Die wêreld is 'n ronde bol

van binne is hy hol

en in die middel vol gevare

lê die Land van Wol en Hare.

Die tema kom uit Die Land van Wol en Hare van WO Kühne
(DJ Opperman se Nuwe Kleuterverseboek, Tafelberg, 1981)

Die tekeninge is gedoen deur Piet Grobler.

Hy skryf:

Die idee is min of meer soos volg: Die land van wol en hare lyk so 'n bietjie gevaarlik by die openingsprent (vol gevare).

Die twee lettervrate bewys egter dat dit nie soveel onheil inhou nie. (As die hele bakkies in die holte in die aarde sou wys, sal dit 'n vriendelike lettervraat blyk te wees.)

Ek dink dis obvious dat die cool, hupse enetjie met die lugdraad die onder 18 ene is en die volwasse antietjie die bo-18.

22K	42K	17K

Kliek op die prentjie om die oorspronklike kunswerke te waardeer.

Die STORIEWERF word aangebied saam met woordvrate en storiemakers van alle soorte en groottes.

Die konsep is ontwikkel deur Franci Greyling wat ook die werf bou en onderhou.

SDG

Kontakbesonderhede

franci@storiewerf.co.za

Storiewerf
Posbus 20582
Noordbrug
2522

Gereelde medewerkers

Francois Bloemhof

Francois skryf 'n groot verskeidenheid boeke en het reeds verskeie toekennings vir sy werk ontvang. Hy was verhaleredakteur van die Sarie en het Woorde Wat Wip in die Jong Burger hanteer.

Marianna Brandt

Marianna Brandt hanteer Haasbekkies. Haar stories vir jonger kinders word wyd voorgeskryf. Sy was redakteur van Haasbekkie, 'n tydskrif vir jong lesers.

Anneretha Combrink

Anneretha Combrink is 'n nagraadse student in Skryfkuns aan die Noordwes-Universiteit. Sy lewer bydraes vir Kuier by en Resensies.

Miemie du Plessis

Miemie is kinderboekuitgewer by LAPA-Uitgewers en was vroeër verbonde aan die Provinsiale Biblioteekdiens van Gauteng.
Sy verskaf inligting oor boeke en leeslyste.

Jaco Jacobs

Jaco is 'n skrywer van jeugboeke en kinderboekuitgewer by LAPA-Uitgewers. Hy lewer veral bydraes vir Kuier by en Grilgrot.

Martie Preller

Martie is die skepper van Balkie en is ook betrokke by skryfkompetisies en skryfopleiding op Storiewerf. Sy is 'n voltydse skrywer wat reeds verskeie toekennings vir haar werk ontvang het.

Maritha Snyman

Maritha Snyman is die Direkteur van LAPA Uitgewers en buitengewone professor in die Departement Inligtingkunde aan die Universiteit van Pretoria. Sy is 'n jeugboekskrywer en resensent en verskaf bydraes vir resensies.

Fanie Viljoen

Fanie is 'n bekroonde jeugboekskrywer asook illustreerder. Hy lewer veral bydraes in Grilgrot.