Oondvars WEDSTRYD
Wen opwindende jeugboeke

Om te dans
Noreen Nolte -

Skaars drie maande terug was Lisa se lewe nog normaal. Hulle was n gesin, sy het vriende gehad en sy het gelewe vir ballet.
Maar toe verander alles in n oogwink.
Na die bom bars, gaan haar ma vir drie maande oorsee, en Lisa moet by haar eksentrieke ouma gaan bly wat pienk tekkies dra en glo in lysies maak. Sy moet probeer aanpas in n nuwe skool waar alles onbekend is. En sy moet probeer vrede maak met wat gebeur het.
Lisa is nie seker of sy kans sien vir hierdie nuwe begin nie. n Mens kan tog nie n delete-knoppie druk en al die aaklige dinge in jou lewe uitvee nie.
Boonop is sy vasbeslote om nooit weer te dans nie. En sy weier om met haar pa te praat, na wat daardie vreeslike dag gebeur het ...
Die enigste ligpunt is Jaco, haar ouma se buurseun met die donker oë, wat sy kort voor lank beter leer ken. Maar dit lyk of iemand daarop uit is om dinge vir haar en Jaco moeilik te maak.
Sal Lisa die moed kan bymekaarskraap om weer alleen op n verhoog te stap en die wêreld in die oë te kyk?

`n Vars, boeiende debuutroman vir tieners oor die opdraandes en die lekkertes van grootword.


ISBN: 9780799380194
Kategorie:  WEDSTRYD

Kompetisie nr: 1

Vraag: Wat is volgens Lisa vreemd aan haar ouma?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Elton die verskriklike April verloor dit
Carin Krahtz -

Elton April is kwater as kwaad. Sy ma is meer gereeld by die huis, maar soms moet hy vir haar instaan as verpleegster vir die aftreeoord se ingroeitoonnaels en hoofpyne. Gelukkig kry hy opleiding in noodhulp by Hoërskool Horison, waar hy nou in Gr 8 is. Sy beste pelle Dawid en Lesedi is in `n ander skool, en Jireh, die skarminkel van Tekkie Town se fletse, is `n senior in sy skool. En sy ma is swanger. Die aarde kan hom maar insluk.

ISBN: 9780624081852
Kategorie:  WEDSTRYD

Kompetisie nr: 2

Vraag: Wat moet Elton by die aftreeoord doen vir sy ma?

Sluitingsdatum: 2019-04-30

Beantwoord vraag: Klik Hier

Tafelberg

SSS-omnibus
Nerine Ahlers - Alet Steenkamp

Drie koshuisavonture in een boek!

Waar Lindie en haar vriendinne is, is daar altyd hope pret, avontuur en naelbyt-aksie! Die vyfstuks Lindie, Talita, Mia, Gina en Andrea beleef allerlei opwindende avonture saam in die Bergrif Meisieskool se koshuis. As daar nie gevaarlike skurke op hulle spoor is nie, gebeur daar vreemde dinge op die skoolkamp, of kry een van hulle selfs die kans om dalk `n TV-ster te word. En tussendeur is daar darem ook oorgenoeg kans vir koshuiskattekwaad aanvang, die nuutste modes en grimering uittoets en natuurlik `n bietjie romanse!

Vir die eerste keer verskyn drie van die gewilde SSS-boeke nou saam in een omnibus:

Selfone, skelms en sjokolade
Lindie en haar maats se skooltermyn skop af met allerhande probleme. Wie is die twee geheimsinnige mans wat agter Lindie en Talita aan is en wat wil hulle hê? En dan is daar nog Gina se katastrofiese nuwe haarstyl, Matrone wat `n sjampanjebottel ontdek het en vasbeslote is om die skuldiges uit te snuffel, en die aantreklike Diaan met die kuiltjies wat Lindie se bene lam maak.

SMS`e, skurke en spinnekoppe
Vier dae in die bos. Dit is wat vir Lindie en die res van die graadneges voorlê op die skoolkamp. Die enigste ligpuntjie is die luukse lodge met die Franse sjef waarvan Mia praat. Maar voordat die kamp begin, is daar eers `n nare onderwyseres wat `n les geleer moet word. En iemand sorg daarvoor dat Diaan met die blou oë en die kuiltjieglimlag dalk nooit weer met Lindie gaan praat nie. `n Verskriklike ding gebeur egter op die kamp wat hulle gou van al hierdie probleme laat vergeet.

Sepiesterre, sokkies en skobbejakke
Lindie en haar vriendinne is baie opgewonde oor die revue wat by die skool aangebied gaan word. Dit gaan fantasties wees en iemand gaan boonop gekies word om in `n sepie te speel. Dink net, een van hulle kan dalk op TV wees! Ongelukkig kry hulle `n nare verrassing toe hulle sien wie die nuwe dramajuffrou is.

ISBN: 9780799389296
Kategorie:  WEDSTRYD

Kompetisie nr: 3

Vraag: Wat maak Diaan aantreklik vir Lindie?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Stalmaats omnibus 2
Lize Roux -

Die gewildste perdestories in Afrikaans! Die immergewilde Stalmaats-boeke is nou in `n reeks lekkerlees-omnibusse beskikbaar! Kom word deel van die pret en avontuur by die Dagbreek-ryskool saam met Anri, Megan, Karen en die ander Stalmaats! Of hulle nou aan `n perdekompetisie deelneem, vakansie by die see gaan hou, of geld insamel om mishandelde en hawelose perde by `n skuiling te red waar Anri en haar maats is, is daar altyd hope pret! Natuurlik is die katterige Vinette gedurig besig met allerlei planne om die lewe vir die res van die Stalmaats moeilik te maak. En dan is daar Jacques, die ryskooleienaars se seun met sy blou oë, wat net so mal is oor perde en Anri se hart vinniger laat klop. Word deel van die pret en opwinding by die Dagbreek-ryskool saam met Anri en die ander Stalmaats! Jong perdeliefhebbers sal versot wees op hierdie reeks! Hierdie omnibus bevat die volgende vyf titels:
* Komaan, Karen!
* Seeponies
* Roset
* Vrye Teuels
* Gevaar op Dagbreek

ISBN: 9780799389302
Kategorie:  WEDSTRYD

Kompetisie nr: 4

Vraag: Wie het blou oë en wie hou van hom?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Stalmaats omnibus 3
Lize Roux -

Die gewildste perdestories in Afrikaans! Die immergewilde Stalmaats-boeke is nou in `n reeks lekkerlees-omnibusse beskikbaar! Kom word deel van die pret en avontuur by die Dagbreek-ryskool saam met Anri, Megan, Karen en die ander Stalmaats! Word deel van die pret en opwinding by die Dagbreek-ryskool saam met Anri en die ander Stalmaats! Jong perdeliefhebbers sal versot wees op hierdie reeks! Hierdie omnibus bevat die volgende vyf titels: * Sirkusperde * Afskeidsrit * Perdespeurders * Rivierperde * Stormnag

ISBN: 9780799391336
Kategorie:  WEDSTRYD

Kompetisie nr: 5

Vraag: Waar begin Anri, Karen en Megan se avonture?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Weg
Nerine Ahlers - Alet Steenkamp

Haar naam is Niekie. Sy is sy prinses. En binnekort gaan hy haar vir ewig laat slaap?

Terwyl haar ouers oorsee werk, bly Niekie in haar matriekjaar op haar eie in `n woonstel in die stad. Kort nadat sy en haar kêrel, Zack, baklei het, verdwyn Niekie spoorloos.

Die polisie is nie dadelik agterdogtig nie, Niekie het immers ietwat van `n losbol-kunstenaarstemperament en het al voorheen uit die bloute saam met haar kunstenaars-oom die pad gevat om te gaan skilder.

Maar Zack begin al hoe meer bekommerd raak. Waarom het Niekie nie opgedaag vir hulle afspraak nie? Hoekom antwoord sy nie haar foon nie? Ignoreer sy hom dalk net omdat sy vies is vir hom? Maar toe Zack boonop haar woonstel verlate aantref, weet hy iets is verkeerd.

Baie verkeerd.

Intussen word Niekie iewers in `n vreemde bed wakker met kneusplekke aan haar gesig en kabelbinders wat in haar polse en enkels insny.

By haar in die vertrek is `n man. Iemand wat sy kort tevore ontmoet het. Hy noem haar sy prinses. Hy wil vir haar `n storie vertel. `n Storie oor `n meisie wat dieselfde naam as sy gehad het. En as die storie eers verby is, gaan hy vir haar `n spesiale towerdrankie gee om haar te laat slaap. Vir altyd

Terwyl die uurglas vir Niekie leegloop, probeer Zack en Niekie se vriende die vreemde spoor van leidrade volg wat hulle hopelik na haar ontvoerder sal lei voor dit te laat is.
Hierdie naelbyt-spanningsverhaal sal tienerlesers tot die laaste bladsy vasgenael hou.

Weg was `n finalis in die LAPA Jeugromankompetisie in 2017.

ISBN: 9780799388824
Kategorie:  WEDSTRYD

Kompetisie nr: 6

Vraag: Wat is `n kunstenaars temperament?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Nova omnibus 2
Fanie Viljoen -

By die Nova-weermagbasis word geheime weggesteek. Gevaarlike geheime. Iets is nie pluis op die weermagdorp Nova nie. Nadat Lucas een aand vreemde ligte in die naghemel gewaar, begin hy allerlei geheime oopkrap. Geheime oor besoekers uit die buitenste ruimte. Geheime waarby nie net Lucas nie, maar ook sy beste vriende en selfs sy gesin betrokke is. Gevaarlike geheime ... Die eerste drie titels in Fanie Viljoen se naelkou-wetenskapsfiksiereeks is nou in ’n omnibus beskikbaar:
Die begin Iets is nie pluis in die dorpie Nova nie. Wat is die vreemde ligte wat Lucas en die res van sy gesin een aand op pad terug van vakansie sien? Waarom jok sy pa vir hom? Waarom is die weermag so geheimsinnig oor die projekte waarmee hulle agter hoë heinings besig is? En wat is die glibberige swart ding wat Lucas in die rivier gesien het? Voor hy sy oë uitvee, word Lucas en sy vriende deel van ’n wilde avontuurrit vol tergende – en gevaarlike – raaisels.
Vuurdoop Dit is vir Lucas en sy vriende steeds onwerklik om te dink hulle is vroeër ontvoer. Deur ruimtewesens. Maar gelukkig is al vier van hulle nou veilig, en dinge op die weermagdorp, Nova, kan terugkeer na normaal. Als is egter nie pluis nie. Watter geheime skuil nog agter die hoë heinings van die Nova-eenheid? Wat sal gebeur as Lucas se pa uitvind die ruimtewesens het hulle geopereer? Wat beteken die vreemde aanvalle wat Lucas kry en wie is die geheimsinnige Sterreloper wat vir hom boodskappe stuur? En hoe lank voor die geheimsinnige ruimteskepe weer hul verskyning maak? Bloedbroers Lucas wens hy kan alles vergeet wat gebeur het ... Hy wil vergeet van die aand toe hy die eerste keer die vreemde ruimtetuig gesien het. Vergeet van die ruimtewesens wat hom en sy vriende ontvoer het. Vergeet van die vreemde voorwerpe wat daar op die ruimtetuig in hul koppe ingeplant is – en die vreemde kragte wat hulle daarna gekry het. Bowenal wil hy vergeet van die grusame vliegtuigongeluk waarin een van sy vriende dood is. Maar die Nova-weermagbasis is ’n plek vol geheime. Is Lucas en sy vriende gereed om die grootste geheim van almal te ontdek?

ISBN: 9780799393170
Kategorie:  WEDSTRYD

Kompetisie nr: 7

Vraag: Waardeur moet Lucas als gaan op Nova?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Selfies, seksklets en selfone
Emma Sadler - Lizzie Harrison

Die topverkoperboek wat elke tegno-slim tiener moet lees! As `n tiener in vandag se tegnoverslaafde wêreld van sosiale media en internet dink jy dalk jy`s piekfyn en jy weet presies wat jy doen. Maar selfs JY weet nie van al die wetlike struikelblokke, verskuilde gevare en toekomstige implikasies van alles wat jy aanlyn doen, sien en plaas nie. Selfies, seksklets en slimfone is die boek wat elke tiener (en hul ouers) moet lees. Dit dek al die belangrike kwessies wat tieners in die digitale era in die gesig staar, insluitende kuberboelies, seksklets, verslawing, internetveiligheid, pornografie, angstigheid, depressie, veiligheid en reputasie, en dit is spesifiek vir die Suid-Afrikaanse konteks geskryf. Hierdie boek sal jou op `n maklik verstaanbare, interessante en selfs prettige manier help om `n gelukkige, bevredigende en belangrikste van alles, veilige lewe aanlyn te hê.

ISBN: 9780799390582
Kategorie:  WEDSTRYD

Kompetisie nr: 8

Vraag: Wat sal jy graag uit hierdie boek wil leer?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Droomkans
Christien Nieser -

Die laaste, onvergeetlike Elle-avontuur Die matriekdans-monster. Dit is presies wat op die oomblik oor Elle se skouer loer. Die ontwerpersrok van haar drome kos `n plaas se geld, en sy het geen benul waar sy `n ander rok vir die matriekdans in die hande gaan kry nie. Boonop is mevrou Bender terug op haar pos as skoolhoof van Gravitas en sy is vasbeslote dat Elle haarself as hoofmeisie moet bewys. Wat gaan sy doen om seker te maak sy laat iets waardevols agter; iets om dankie te sê vir die wonderlike jare wat sy by Gravitas beleef het en seker te maak niemand vergeet haar in die jare wat voorlê nie? Maar waar Elle in die omtrek is, is daar gewoonlik ook hope moeilikheid. Kort voor lank sluip daar `n paar vreemde nagtelike besoekers in die koshuis rond. En toe Elle agter die kap van die byl kom, moet sy inspring en help al beteken dit ook sy moet by die skool se rekenaarstelsel probeer inbreek, hoofmeisie ofte not! Gaan Elle haar droomkans kry om `n blywende nalatenskap by Gravitas te laat? Die laaste hoofstuk in die Elle-reeks sal aanhangers laat juig vir hul heldin en trane laat afvee oor die skouspelagtige kragtoer waarmee hierdie topverkoperreeks ten einde loop. `n Onvergeetlike boek.

ISBN: 9780799389395
Kategorie:  WEDSTRYD

Kompetisie nr: 9

Vraag: Aan wie moet Elle haarself as hoofmeisie bewys?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

Lang pad onnetoe
Jason Reynolds -

Will is vyftien jaar oud. Hy het `n pistool. Sy broer Shawn is pas vermoor. En Will ken die reëls. Jy huil nie. Jy dra nie stories aan nie. Jy neem wraak. Dit is waarheen Will op pad is, met die pistool agter by sy jean ingedruk, die pistool wat sy broer s`n was. Hy klim in die hysbak, sewende vloer, vasbeslote. Hy weet wie se bloed hy soek.
Of weet hy regtig?
Die hele pad ondertoe, terwyl die hysbak op elke vloer stilhou, klim verskillende mense wat iets met die geweld in sy buurt te doen het op die hysbak. Elkeen van hulle vertel vir Will dele van `n groter storie as die een wat hy dink hy ken.
Hierdie woedende, verbluffend briljante jeugroman word in kort, vurige staccato versvorm vertel om `n rou, eerlike blik op vuurwapengeweld te bied, soos net Jason Reynolds dit kan doen - en dit is nou boonop fantasties in Afrikaans vertaal deur die bekroonde skrywer en digter Nathan Trantraal, wat dit vir Suid-Afrikaanse lesers so aktueel en herkenbaar soos vanoggend se koerantopskrifte maak.

ISBN: 000
Kategorie:  WEDSTRYD

Kompetisie nr: 10

Vraag: Hoeveel vloere het Will om van idee te verander om moord te pleeg?

Sluitingsdatum: 2019-04-30

Beantwoord vraag: Klik Hier

LAPA

Bestel by 
www.lapa.co.za

      
  • 1

  •   

 

 

 

 


Voordeur en inhoud  |  Jong woordvrate  |  Ouer woordvrate  |  epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

© Franci Greyling 2000