Oondvars WEDSTRYD
Meisies het pret

Vakansiepret 1: `n Piekniek op die strand
Theresa van Baalen - Zinelda McDonald

Die meisies besluit om piekniek te gaan hou op die strand maar ongelukkig wil Jana se irriterende kleinboetie, Tiaan, en sy maatjie Rudie saamkom.
Jana weet sommer die twee seuns gaan hulle piekniekplanne bederf!
Maar dan hoor die twee meisies n vreemde tjankgeluid tussen die duine. Toe hulle ondersoek gaan instel, ontdek hulle n klein hondjie wat seergekry het en hulle hulp dringend nodig het.
Sal hulle die hondjie se eienaar kan opspoor?

(Piekniek op die strand en Vlieërs en filmsterre is in die prys)

ISBN: 9780799384529
Kategorie:  WEDSTRYD

Kompetisie nr: 1

Vraag: Wie is Tiaan en Rudie?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

Prinses Klara en die krokodil
Laura Amy Schiltz - Brian Floca

Prinses Klara se ouers glo `n prinses moet skoon en slim en sterk wees. Daarom laat haar oppasser haar drie keer per dag bad. Haar ma lees vir haar vaal, vervelige boeke. En haar pa laat haar elke dag honderde keer touspring.

Prinses Klara is siek en sat daarvoor. Sy besluit wat sy nodig het, is `n bietjie pret en avontuur. Daarom skryf sy vir haar towertante n spesiale briefie om te se sy soek n hond.

Die volgende oggend staan daar `n boks voor haar bed maar binne-in is nie `n hond nie. Dis `n krokodil! `n Krokodil wat glad nie weet hoe om hom mooi soet te gedra nie

Prinses Klara besluit sy gaan die dag afvat. Sy beleef allerlei prettige avonture in die buitelug. Sy klouter in bome rond, pluk aarbeie en raak heerlik vuil terwyl die krokodil `n rok aantrek, `n kroon opsit en sy lyf prinses hou en die kasteel op sy kop keer!

Kinders sal versot wees op hierdie lawwe skaterlag-avontuur! Perfek vir voorlees of selflees.

ISBN: 9780799384314
Kategorie:  WEDSTRYD

Kompetisie nr: 2

Vraag: Wat moet prinses Klara alles as prinses doen?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

Mieke en die meerminne 1: Geheime onder die see
Miranda Jones -

Mieke is mal oor meerminne.
Haar ma en haar ouma dink hulle bestaan net in sprokies.
Maar Mieke is oortuig hulle bestaan regtig.
Een oggend toe Mieke saam met haar oupa op sy vissersboot uitgaan, ontdek sy iets wat haar hele lewe verander.
`n Regte, egte meermin wat in haar oupa se visnet verstrengel is! Mieke help die meermin, en kort voor lank kry sy die geleentheid om by haar in `n betowerende koninkryk onder die see te gaan kuier. Daar vind sy allerhande fantastiese geheime oor die meermense uit.
En dit is die begin van `n betowerende avontuur onder die see!

(Die prys is drie Mieke-boeke!)

ISBN: 9780799383966
Kategorie:  WEDSTRYD

Kompetisie nr: 3

Vraag: Wat se avontuur sal jy saam met `n meermin wil hê?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

Lana en Rakker 8: Rakker en die troue
Holly Webb -

Lana se gesin neem `n pragtige Jack Russell-hondjie aan. Wanneer Lana die hondjie Rakker noem, het sy geen idee hoe stout hy gaan wees nie. Rakker beland die heeltyd in die moeilikheid. Sal Lana dit regkry om hom uit die moeilikheid te hou?

Lana en haar sussie gaan blommemeisies op tannie Emma se troue wees. Maar Rakker is baie nuuskierig oor al die gewerskaf vir die troue en hy wil ook deel van die planne wees. Lana wil graag hê Rakker moet troue toe kom, maar die res van haar gesin dink nie dit is n goeie plan nie. Kan Rakker hom lank genoeg soet gedra om ook na die troue genooi te word?

Jong troeteldierliefhebbers sal versot wees op Lana en haar ondeunde hondjie, Rakker, se skreeusnaakse avonture!

(3 boeke in die reeks is deel van die prys!)


ISBN: 9780799366280
Kategorie:  WEDSTRYD

Kompetisie nr: 4

Vraag: Wat kan `n hond by `n troue doen?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

Die legendariese Lua Verwey
Dihanna Taute - Theodore Key

Lua is nie soos enige meisie wat jy ken nie. Sy sal eerder tyd op haar J-board spandeer as voor n spieel of die TV. Sy`s ook allergies vir seuns. Wat vreemd is, want sy het drie boeties. En sy wil graag krieket speel, al sal sy die enigste meisie wees. Maar die krieketspan gaan see toe toer en sy kort beslis n vakansie weg van haar mal gesin af.

ISBN: 9780798176811
Kategorie:  WEDSTRYD

Kompetisie nr: 5

Vraag: As jy na enige plek kan gaan vir vakansie, waarheen sal dit wees en hoekom?

Sluitingsdatum: 2018-06-29

Beantwoord vraag: Klik Hier

Human & Rousseau

Dans, Jenna
Noreen Nolte -

Jenna is versot op dans.

Die afgelope paar weke kan sy voel haar dansskoene is amper te klein, maar sy het nie die moed om haar ma vir nuwe skoene te vra nie. As `n mens se pa oorlede is en jou ma twee werke doen net om kop bo water te hou, is balletklasse eintlik `n onbetaalbare luukse. Om vir nuwe skoene te wens is so goed soos dagdromery. Sy moet maar net hoop die skoene hou nog `n ruk om nie eens van haar voos gedansde pointes te praat nie. Hopelik gebeur daar `n wonderwerk!

Toe die Kaapse Balletgeselskap `n kompetisie loods om talentvolle jong dansers die kans te gee om `n winterskool in die Kaap en `n vertoning van die fantastiese Russiese Balletgeselskap by te woon, begin Jenna se hoop opvlam.

Maar sy hou nie rekening met die jaloerse Mineke en haar ma se onderduimse planne nie ...

`n Deernisvolle, avontuurbelaaide storie wat bewys dat wonderwerke kan gebeur as jy in jou drome glo.

ISBN: 9780799384475
Kategorie:  WEDSTRYD

Kompetisie nr: 6

Vraag: Wie staan tussen Jenna en haar drome?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

Stalmaats 19: Pretrit
Lize Roux -

Die skoolvakansie is om die draai.
Anri is baie opgewonde toe sy hoor haar beste vriendin van haar vorige ryskool kom kuier. Nadine is ook lief vir perdy en Anri kan nie wag om haar aan Megan en Karen voor te stel nie.
Hulle gaan die vakansie hope pret by die ryskool h�, met ekstra rylesse en `n spesiale Paaseier-soektog vir die Peace Shelter se kinders!
Maar dit lyk of Nadine ander planne het, en Anri se vriende by die ryskool is nie so beindruk daarmee nie ...

Boek 19 in hierdie baie gewilde perdereeks, wat handel oor Anri en haar maats se avonture by die Dagbreek-ryskool.

(Die prys bestaan uit twee boeke: Pretrit en Perdediewe)


ISBN: 9780799384277
Kategorie:  WEDSTRYD

Kompetisie nr: 7

Vraag: Waarom jou jy van perdestories?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

Kupido.com
Annabel Allers -

Lea weet `n ou soos Philip Cronje sal nooit in haar belang stel nie. Maar dan skep haar beste vriendin vir haar `n vals profiel op Kupido.com, en kort voor lank is daar iemand wat met Lea wil gesels, Philip!

ISBN: 9780799383829
Kategorie:  WEDSTRYD

Kompetisie nr: 8

Vraag: Hoe werk `n webwerf soos Kupido.com?

Sluitingsdatum: 2018-06-29

Beantwoord vraag: Klik Hier

LAPA

Kate in harmonie
Jacolet van den Berg -

Kate se hele lewe is op sy kop gekeer.
Nadat haar pa sy werk verloor, trek hulle gesin sak en pak na n plaas naby die Paarl. Dit beteken Kate moet haar hele lewe in Johannesburg en die Fab-susters, haar beste vriendinne, agterlaat om graad elf in n nuwe skool te begin, terwyl sy probeer aanpas by die rustige plaaslewe. Haar broer moet in sy matriekjaar sy plek in die eerste rugbyspan en sy leerlingraadsbalkie prysgee.
Sommer die eerste dag op Uitkyk trek een van die perde Kate se aandag. n Wit-en-bruin hings met vurige donker oë. Die perd se naam is Harmonie, maar dit pas glad nie by hom nie, hy is in harmonie met net mooi niks. Wanneer iemand dit naby hom waag, raak hy wild en hy laat nie n saal op sy rug toe nie.
Will, die plaaseienaars se seun, bied aan om vir Kate perdrylesse te gee. Maar hy maak geen geheim daarvan dat hy reken die stadsjapie-meisie wat vir perdemis gril, gaan nie die mas opkom nie.
Hy hou egter nie rekening met Kate se vasberadenheid nie.
Iets aan Harmonie trek haar aan, lok haar elke keer terug na sy kamp waar sy ure lank sit en die perd se grasieuse lyne in haar sketsboek teken. Hoe meer sy oor Harmonie se verlede uitvind, hoe sterker word die band tussen hulle.
En toe Harmonie se toekoms in die weegskaal beland, moet Kate die dapperste ding van haar lewe doen

`n Aangrypende lekkerlees-jeugverhaal oor tweede kanse en die kragtige band tussen n spesiale ruiter en `n spesiale perd.

Kate in harmonie was op die kortlys van LAPA Uitgewers se jeugromankompetisie in 2017.

ISBN: 9780799388756
Kategorie:  WEDSTRYD

Kompetisie nr: 9

Vraag: Wat beteken dit as iets in die weegskaal is?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

Strikdans
Christien Neser -

`n Ramp.

Daar is geen ander manier om dit te beskryf nie. Elle is in matriek. Dit is veronderstel om die beste jaar van haar hele skoolloopbaan te wees. Sy is immers vanjaar hoofmeisie, sy het die beste vriende waarvoor enige meisie kan vra, sy gaan met die ou van haar drome uit, en daar is hope opwindende dinge by die skool om na uit te sien.

Maar die jaar skop op n aaklige noot af. Dinge tussen haar en Alex loop skielik skeef. En by die skool wag `n groot skok op almal toe die hoof, mevrou Bender, onverwags ernstig siek word. Die waarnemende hoof, doktor Grimm, voel `n veer vir die skool se tradisies en die spesiale projekte waaraan Elle-hulle soveel tyd en aandag bestee het. Al waarin die vreemde man met sy strikdas en sy fobie vir katte belang stel, is wiskunde. Hy is vasbeslote om Gravitas die beste wiskundeskool in die land te maak.

Elle besluit sy kan nie net toekyk hoe Gravitas se trotse tradisies die een na die ander sneuwel nie. Maar kort voor lank kom haar hoofmeisiebalkie in gedrang

ISBN: 9780799383867
Kategorie:  WEDSTRYD

Kompetisie nr: 10

Vraag: Waarom wil jy graag hierdie boek wen?

Sluitingsdatum: 2018-06-29

Beantwoord vraag: Klik Hier

LAPA

Bestel by 
www.lapa.co.za

      
  • 1

  •   

 

 

 

 


Voordeur en inhoud  |  Jong woordvrate  |  Ouer woordvrate  |  epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

© Franci Greyling 2000