Oondvars rillers
Bangmaakboeke...

Die beste Suid-Afrikaanse spookstories
Wendy Maartens - David Griessel

Maak kennis met �n paar van die bekendste spoke in Suid-Afrika soos: die spookmeisie van Uniondale, die spookhond van Aliwal-Noord, die Wandelende Jood en die seekaptein wat steeds aan boord van die Vlieende Hollander oor die oseane swerf ... Hierdie 18 verhale wat Wendy Maartens in hierdie bundel oorvertel, sal jou heerlike hoendervleis gee!

ISBN: 9780799367058
Kategorie:  rillers

Lapa

Bestel by 
www.kalahari.com

Wat `n ramp: Breinslym
R. McGeddon -

Stille Waters is `n vaal, vervelige dorpie waar niks buitegewoon ooit gebeur nie. Maar toe `n eksperiment op `n dag in professor Pompelmoes se wetenskapklas ontplof en een van die kinders vol grillerige slym spat, het dit onverwagse gevolge. Zombies (en dele van zombies) duik skielik links en regs op desperaat om aan breeeiiins te smul! En al wat die hopelose spul grootmense regkry, is om self besmet te raak. Henk, Devon en hul vreeslose vriendin Emmie moet blitsvinnig `n plan maak ... as hulle nie zombie-ontbyt wil word nie ...

ISBN: 9780799366587
Kategorie:  rillers

Lapa

Bestel by 
www.lapa.co.za

Emma en die creepy komplot
Marianna Brandt -

Die aksiebelaaide opvolg op Emma en die geheime gang.

Die skool en koshuis op Kosterkloof het weer na normaal teruggekeer ná die skoolhoof se komplot om kinders se DNA aan ruimtewesens te verkoop, oopgevlek is. Die kinders word nou aangemoedig om gesond te eet en ook sport te beoefen. Emma kom egter gou agter dat die blou koelsakke wat die onderhoof in die middel van die nag kombuis toe dra, nie die rugbyspan se koeldranke bevat soos hy beweer nie. En wat het die nuwe hoteleinenaar, die Plottenboers, Jori Appelgryn en die Snopkes, wat steeds in die tronk sit, met mekaar te doen? Emma besluit natuurlik om ondersoek in te stel, maar niks kan haar en Zoltan egter voorberei vir die gruwelike fonds wat hulle een aand in die koelsakke ontdek nie . . .

ISBN: 9780798167758
Kategorie:  rillers

Human & Rousseau

Bestel by 
www.nb.co.za

Middernag en ander spokerige stories
Fynbosskrywers groep -

`n Bundel kort-kort spookstories met die spreekwoordelike vuishou-in-die maag gevoel aan die einde. Hoekom wil Carla se ma haar nie glo oor die meisie agter haar kamerdeur nie? En wat maak juffrou Elizabeth, van sy nuwe skool, in Arnold-hulle se spens in die middel van die nag? Hoe kan ’n skoolbussie vol kinders in die nag wegjaag sonder dat daar ’n bestuurder in is? Waar kom die vreemde outjie in Bennie se koshuiskamer se kas vandaan? Hierdie is maar ’n paar van die vrae wat jy beantwoord sal kry in hierdie lekker-lees versameling grillerige stories vir alle ouderdomme.

ISBN: 9780798163842
Kategorie:  rillers

Human & Rousseau

Bestel by 
www.kalahari.com

Koue rillings
Francois Bloemhof, Fanie Viljoen & Jaco Jacobs -

Ontmoet die Rotman met sy verslete jas en sy oog wat lyk soos ’n ou wond wat lankal gesond geword het ...

Kom ry saam op ’n baie spesiale mallemeule, waar die kinders se gille van plesier snags omsit in angsgille ...

En vind uit wat gebeur as jy laatnag in Slangrivier gaan swem ...

In hierdie boek kan jy kennis maak met drie van die bekendste Afrikaanse grilskrywers se wildste nagmerries. Hierdie versameling grilstories sal jou koue rillings gee!

ISBN: 9870799362107
Kategorie:  rillers

LAPA

Bestel by 
www.lapa.co.za

Die vampiere van Londen
Francois Bloemhof -

Dit is veronderstel om vir Ken en sy gesin ’n opwindende vakansie in Londen te wees, maar dit ontaard in ’n verskrikking toe hy en die tweeling agterkom ou Mr Ratcliff se hoofbediende, Parker, nie is wat hy voorgee nie.

Dan is daar nog die vreemde meisie en die vriendelike seun – waar pas hulle in al die raaisels in? En Miss Sharp en Mrs Burton van die hotel? Wat Ken uiteindelik uitvind, sou hy nooit in sy wildste drome kon glo nie.

Lekker spannende storie vol bloedstollende kinkels. Ouer trae lesers sal dit ook geniet. Die agste boek van agt in François Bloemhof se Rillers-reeks.

ISBN: 9780798157582
Kategorie:  rillers

Human & Rousseau

Bestel by 
www.kalahari.com

Hospitaaltyd
Francois Bloemhof -

Rudi is nou al twee keer deur iemand in ’n motor agtervolg. Daar is reeds drie kinders van sy skool deur ’n motor omgery en elke keer het die skuldige weggekom. Die eerste een wat omgery is, is Suné, sy meisie. Wat is haar verbintenis met die ander twee? En hoekom tree die kinders wat omgery is so anders op wanneer hulle uit die hospitaal kom? Min weet Rudi dat hy baie na aan die antwoorde op al sy vrae is, en lig gaan hy nie daarvan afkom nie . . .

ISBN: 9780798157643
Kategorie:  rillers

Human & Rousseau

Bestel by 
www.kalahari.com

Kinderspeletjies
Jaco Jacobs -

Die kas in Denver se kamer is die geheime ingang na ’n kasteel vol monsters. Al die monsters is op pad na ’n musiekkonsert. Denver en Meyer bied aan om vir ’n aand lank baba-oppassers vir ’n oulike monsterbaba te wees. Hulle moet met hom speel, hom kosgee en hom in die bed sit. Hoe moeilik kan dit nou eintlik wees ...?



ISBN: 9780799352481
Kategorie:  rillers

LAPA

Bestel by 
www.lapa.co.za

Nog 13 spookstories
François Bloemhof , Jaco Jacobs, Fanie Viljoen -

Is jy nie bang om laatnag alleen in die bed te lê en lees terwyl die wind buite waai en die takke teen jou ruite krap nie? Skrik jy nie vir stories oor gedaantes wat snags in die donker rondsluip nie?

Dan is hierdie net die boek vir jou!

Die drie grilmeesters Francois Bloemhof, Jaco Jacobs en Fanie Viljoen se 13 spookstories was `n topverkoper wat heerlike rillings langs duisende lesers se ruggrate afgestuur het. Hierdie splinternuwe versameling bevat nog 13 verhale wat jou bloed yskoud sal laat word.

So, maak toe die vensters, klim in jou bed ... en maak gereed om die gedaantes te ontmoet wat snags in die donker ronddwaal.



ISBN: 978 0 7993 5501 9
Kategorie:  rillers

LAPA

Bestel by 
www.lapa.co.za

Kamer 13
Francois Bloemhof -

Wat gaan in Kamer 13 aan? En hoekom is dit net Bennie wat voel iets is nie reg nie? Wat sal sy ma sê as sy uitvind van die swelsel op sy rug en hoekom is Klitser, sy hond, skielik so anders teenoor hom? En dan is daar die stem in sy kop wat hom snaakse dinge laat doen. Bennie voel hoe hy beheer verloor. Hy sal met iemand moet praat, maar wie? Toe daar nog ’n slagoffer aan die balke van Kamer 13 hang, weet Bennie hy sal iets moet doen – en gou ook. Lekker spannende storie vol bloedstollende kinkels. Ouer trae lesers sal dit ook geniet. Die sesde boek van agt in François Bloemhof se Rillers-reeks.


ISBN: 9780798157612
Kategorie:  rillers

Human & Rousseau

Bestel by 
www.kalahari.com

Gedaantes en geraamtes-omnibus 3
Louise Prinsloo -

Die derde omnibus in Louise Prinsloo se gewilde spookstories in die Gedaantes en Geraamtes-reeks. Die titels in hierdie omnibus is: Spookhuis by die see, Skimme van gister en Duiwel-in-die-bos – lg. `n splinternuwe verhaal wat nog nie voorheen verskyn het nie. Die teks van die eerste twee stories is ten volle hersien en lesers behoort van nuuts af aan die drie vriende, Wikus, Karel en Giepie se lekker grillerige spookavonture te geniet.


ISBN: 9780798150811
Kategorie:  rillers

Human & Rousseau

Bestel by 
www.kalahari.com

Donkerwoud
Francois Bloemhof -

Ouderdomsgroep 9-12: Wat is dit wat Tiaan deur die venster in die bos gesien het en watter geheime hou die muwwe ou huis van hulle eksentrieke tante in? En wat gaan skielik met Rolf aan? Hulle is nou wel ’n tweeling, maar dit beteken nie dat hulle dinge dieselfde ervaar nie – veral as hulle begin agterkom iets in die huis en die donker woud is nie pluis nie. Hoe nader hulle daaraan kom om die geheim te ontrafel, hoe gevaarliker word dit . . . totdat een van hulle se lewe op die spel is. Lekker spannende storie vol bloedstollende kinkels. Ouer, trae lesers sal dit ook geniet. Die vyfde boek van agt in François Bloemhof se Rillers-reeks


ISBN: 9780798157551
Kategorie:  rillers

Human & Rousseau

Bestel by 
www.kalahari.com

Ou Langklou
Francois Bloemhof -

Wat vir Victor as net nog `n vervelige wintervakansie in die kinderhuis begin, raak `n nagmerrie toe hy van aangesig tot aangesig kom met die vreemde vrou wat onder in die straat woon. Juffrou Ia de Goede se hande staan vir niks verkeerd nie en vir die meeste inwoners beteken dit daar`s altyd genoeg van haar lekker melkterte en ander gebak. Maar Victor vind gou uit wat daardie hande nog kan doen en hy en sy twee vriende, Jenny en Fluitjie, sal moet keer vir die vale ... Dit is `n lekker spannende storie vol bloedstollende kinkels. Wat ouer, trae lesers ook sal geniet.


ISBN: 9780798157247
Kategorie:  rillers

Human & Rousseau

Bestel by 
www.kalahari.com

Emma en die Geheime Gang
Marianna Brandt -

Wie of wat is dit wat in die nag in die koshuis se gange rondsluip? Toe Emma en Janine se kamermaats skielik siek word en in die siekeboeg opgeneem word, vermoed hulle dadelik onraad, veral toe hulle verbied word om hulle siek maats te besoek. Toe hulle besluit om ondersoek in te stel, verdiep die raaisel van die kinders se verdwynings. Wat maak die hoof van de koshuis in die middel van die nag in die laboratorium? En wie is die mans met die vreemde reuk en snaakse voete?

ISBN: 9780798156660
Kategorie:  rillers

Human & Rousseau

Bestel by 
www.kalahari.com

Die Waterding
Francois Bloemhof -

Dit is weer vakansie op Bloubaai. Maar dié sorgvrye tydjie loop ontsettend verkeerd vir Stefan en Lana – en hulle moet baie vinnig antwoorde op ’n paar tergende vrae vind. Wat steek die vervalle ou houthuis aan die voet van die krans weg? Wat het die vrou op die strand so bang gemaak? Wat is die geheimsinnige Bart se rol in die gebeure? En wat is die raaisel van die Ding?

Lekker spannende storie vol bloedstollende kinkels. Ouer, trae lesers sal dit ook geniet



ISBN: 9780798156905
Kategorie:  rillers

Human & Rousseau

Bestel by 
www.kalahari.com

 

 

 

 


Voordeur en inhoud  |  Jong woordvrate  |  Ouer woordvrate  |  epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

© Franci Greyling 2000