2017-04
jongklomp

storienuus
oondvars
kuier by...
lusmakers
storiegedorie!
storiemakers
gril!grot
www
kollig
versfabriek
skryfgeheime
vonkelfiksie
lapastories
verinniewêreld
haasbekkies
wedstryd

boeksoek

 

posbus

 
na grootmense
 


Skrywers om by te kuier
martie preller Marie Preller is een van die voorste skrywers van kinder- en jeugboeke. Riëtte Bester het met haar gesels oor haar skryfwerk en karakters.
leon de villiers Leon de Villiers se jeugroman, Die pro, is in 2015 verfilm. Hy gesels met Ruan Fourie oor die ervaring om na soveel jare die karakters op die groot skerm te sien.
annelie ferreira Annelie Ferreira het reeds twee keer die Sanlam-prys vir haar jeugromans ontvang. Clara Kirstein het met haar gesels oor Chuck Norris kan deel deur nul.
zinelda mcdonald Zinelda McDonald het onlangs haar eerste prenteboek Die Coolste Ouma op Aarde saam met Marita van der Vyver voltooi. Deon Meiring het met haar gesels oor die opwinding van haar eerste prenteboek en haar werk as illustreerder.
Jaco Fouché se eerste jeugroman, Siobhán van die sirkus, het in 2014 verskyn. Clara Kirstein het vir hom 'n klompie vrae gevra oor die boek en oor skryf - en waar die idee van die sirkus vandaan kom.
marga jonker Marga Jonker se jeugroman, Brigadier en die raaiselponie, is haar tweede roman oor perde. Sanna Fouché het met die skrywer gesels oor die boek, haar skryfproses en haar liefde vir perde.
hans du plessis Hans du Plessis is 'n woordmens van formaat: navorser, akademikus, digter, dramaturg, rubriek-, roman- en jeugboekskrywer. Chantel Robijn het as skryfkunsstudent met die gewese direkteur van die ATKV-Skryfskool gesels.
galop As jy hou van perdestories gaan jy mal wees oor Galop – ’n nuwe bundel met perdestories.
Fanie Viljoen, die samesteller van die bundel, het met die skrywers gesels om “uit die perd se bek” hoor wat al die skrywers oor perde te sê het.
jurgen banscherus Jürgen Banscherus is die skrywer van Speurder Kwaaikofski-reeks. Die reeks is in Afrikaans vertaal deur Kobus Geldenhuys. Hevette le Grange het 'n paar vrae aan die skrywer, gevra.
nelia

Nelia Engelbrecht is 'n veelsydige skrywer. haar jongste jeugroman, Die vierletterwoord, het in 2013 verskyn. Hendriëtte Janse van Rensburg het as skryfkunsstudent haar geraadpleeg oor hoe om sukses as skrywer te bereik.

christien neser

Christien Neser se jeugroman, Amper Einstein, vertel die verhaal van twee broers. Die jong karakter, Misha, is outisties. Franci Greyling het met die skrywer gesels oor die tema van die boek en haar belangstelling in die onderwerp.

Nanette van Rooyen se jeugboek Ek was hier is bekroon as wenner van die ATKV-Jeugromankompetisie 2011. Leonora van Rooyen het met haar oor die roman en die interessante karakters gesels.
Wendy Maartens is die skrywer van boeke soos Lena se bottelboom en Prinses mossienes Sy het Laerskool Mikro besoek waar Alize van Vuuren haar uitgevra het oor haar liefde vir stories en skryf.
Elizabeth Wasserman is die skrywer van die Speurhond Willem boeke. Sy het so pas met 'n opwindende nuwe reeks, Anna Atoom, begin waarin fantasie en wetenskap gekombineer word. Elaine Schiel het met haar gesels.
Solet Scheeres se eerste boek in haar splinternuwe Glam-divas-reeks, het pas verskyn. Sy het met Jaco Jacobs gesels oor haar werk, die boeke wat sy as kind gelees het, haar lewe in Nederland en die ongewone sportsoort wat sy beoefen.
Maja Sereda is die illustreerder van boeke soos Liewe land, 'n olifant!, Nuwe Kinderverseboek en Sprokies en ander gunsteling-stories. Jaco Jacobs het bietjie met haar gesels oor haar werk en haar idees oor kinderboekillustrasies.
Chris Venter is die illustreerder van boeke soos Speurhond Willem op reis en My boetie dink hy's Batman. Jaco Jacobs het uitgevra oor sy werk en siening oor kinderboekillustrasies.
Sebastien Quevauvilliers is die illustreerder van Madelief, moenie! Jaco Jacobs het met hom gesels oor sy belangstelling in kinderboekillustrasies en hoe hy self illustreer.
Marianna Brandt het vroeër in die jaar by Laerskool Mikro in Kuilsrivier kom kuier. Megan Groenewald en Lézel Roets van die 2010 Redaksie het 'n paar vrae gevra.
Theresa van Baalen is die skrywer van Aspris-krokkedis en Karla Krullebol. Jaco Jacobs het by haar gaan uitvind waarom skryf is soos om 'n olifant te eet en waar haar storie-idees vandaan kom.
Christien Neser is die skrywer van Kondensmelk. Marlize van der Walt het die boek baie geniet en het met Christien gesels oor boeke, skryf, stories en interessante karakters.
Jaco Jacobs het onlangs by die Laerskool Mikro in Kuilsrivier gaan kuier. Ná die tyd het Stephanie van Wyk, die skool se mediasentrum-juffrou, saam met Lézel Roets, Bianca Ehlers en die 2009-redaksie van die skoolkoerant, Mikroskoop, vir Jaco 'n paar lekker vrae gevra.
Riana Scheepers en Suzette Kotze is die samestellers van die Nuwe Kinderverseboek. Marisa Beeton het hulle 'n klompie vrae gevra.
Nerine Ahlers en Alet Steenkamp skryf saam die SSS-boeke. Anika Pienaar het 'n paar vrae vir haar gunsteling skrywers gevra.
Nelia Engelbrecht is die skrywer van 'n rits boeke, waarvan die nuutstes kinderboeke soos Die seun met die blou hare en Alicia en die Zitzappers is. Elana van der Vyver het by haar gekuier.

Verbeel jou jy is by 'n boekbekendstelling.Terwyl jy die boek in jou hand het, stel iemand die skrywer voor en hy begin te praat oor lewe in die onderwÍreld . . .
Vian Oelofsen en Franci Greyling se prenteboek, Formule Drie, Twee, Een! het in September 2007 verskyn. Franci het by Vian gekuier en met hom oor die boek en sy werk gesels.
Leon de Villiers se nuwe jeugboek, Toko, het in April 2007 op die rakke verskyn. Ihette Jacobs het met Leon gesels oor die boek en die die unieke ruimte, karakters en plot.
Die debuutroman van Anzil Kulsen, vertel die storie van Zita. Anneretha Combrink het saam met Anzil gekuier en gesels oor die uithou en aanhou van skryf.

Deon Meyer se spanningsverhale is al in verskeie tale vertaal en het etlike pryse wêreldwyd ingepalm. Orion is ook as 'n televisiereeks op kykNET en MNET in 2006 uitgesaai. Elzebet Venter het met Deon gesels tydens die ATKV-Herfskool in Potchefstroom.

Chrisna van Rensburg is die redaktrise van die Kakkerlak. Stefan Fanoy het met Chrisna gesels oor haar tydskrif en wat 'n redaktrise alles doen.

Piet Grobler, die skepper van Storiewerf se lettervrate, is 'n veel bekroonde illustreerder van kinderboeke. Braam Bredenkamp het met hom gesels oor sy werk, wat hom inspireer en waar hy aan al sy idees kom.

Die avonture van Magrietjie Swaaiboude, Marianna Brandt se nuutste kinderboek, het so pas verskyn. Anneretha Combrink het saam met haar in Durbanville koffie gedrink en oor lees en skryf gesels.

Riana Scheepers se eerste kinderboek het so pas verskyn. Anneretha Combrink het op De Compagnie gekuier en met Riana gesels oor Die avonture van Wilde Willemientjie en haar groot verskeidenheid ander skryfwerk.

Kobus Geldenhuys is die vertaler van Harry Potter en die Halfbloed Prins in Afrikaans. Leana Moolman het met hom gesels oor hoe hy 'n vertaler geword het en watter interessante werk hy al gedoen het.

Fanie Viljoen het vanjaar (2005) saam met Francois Bloemhof die Sanlamprys vir jeuglektuur (goud) gewen. Sy boek Breinbliksem is reeds besig om opslae te maak. Tydens Aardklop het Herman Eloff bietjie met Fanie gechat oor sy werk, sy passie vir skryf en wat hy vir die toekoms beplan.

Raasbek Mieliepit het 'n onderhoud met Meneer Balkie Balkie gevoer op sy tiende verjaarsdag.

Jaco Jacobs het by Elkarien Fourie gekuier. Hy wou meer weet oor haar debuutboek, Dans op die rand van die krans, waarom sy vir jongmense skryf en watter raad sy vir jong skrywers het.

Verna Vels is die skrywer en stem agter Liewe Heksie. Wat moet mens doen om 'n stemkunstenaar te word? wou Steven Dowse by haar weet. Leila van Coller het ook 'n paar vrae...

Carina Diedericks-Hugo se Thomas@-reeks word beskryf as Trompie vir die nuwe millennium. Sy en Jaco Jacobs het gesels oor Thomas, Trompie en funky jongmense.

Barrie Hough se nuutste tienerroman, Breek, is 'n spanpoging van hom en die aktrise en dramaturg Lizz Meiring. Jaco Jacobs het by hom uitgevind wat hy dink van hedendaagse jongmense en boeke vir jongmense.

Die aktrise Lizz Meiring het pas haar eerste jeugroman, Breek, wat sy saam met Barrie Hough geskryf het, gepubliseer. Jaco Jacobs het met haar gesels en uitgevind dat sy baie meer as net aktrise is en gevra wat sy van vandag se jongmense en "jeugromans"

Marita van der Vyver is die wenner van die Sanlamprys 2002. Jaco Jacobs het met haar gesels oor die "soms absurde" lewe in Frankryk, die moderne Afrikaanse jongmens, laslapgesinne en dinge waaroor nie in tienerboeke gepraat word nie.

Jaco Jacobs het met Janie Oosthuysen gepraat oor wipneuse, Harry Potter, Kersvader, goed wat verdwyn as 'n seuntjie onderdeur die reënboog stap … en uitgevind wat vertaling en kwantumfisika met mekaar uit te waai het.

Kristie Crouse het by die nuwe jong skrywer Jackie Nagtegaal gekuier en met haar gesels oor Daar's vis in die punch. "Is jy en Charlie Koekemoer baie dieselfde?" wou sy by Jackie weet.

Willemien en Magde-Mari Greeff het met Jaco Jacobs gesels oor sy boek Troetelgedrog en gehoor dat hy ook dat hy ook ander interessante gedrogte in sy lewe het.

Louise van Niekerk is die skepper van die ReŽnboograntboeke. Louise Ferreira, wat elkeen van dié 28 boeke gelees het, het met haar gesels en boonop 'n Monstermaangeheim ontdek. . .

"Ek het altyd gedink 'n spook is 'n spook, maar moenie glo nie!" Schabort Froneman het by Louise Prinsloo gekuier en sommer 'n hele klomp dinge van dié skrywer (en spoke) uitgevind.

Francois Retief het by Leon de Villiers gaan kuier. Hulle het gesels oor Groete van die Hiëna, waar Leon sy idees vandaan kry, waarom hy skryf en wat hy nog wil bereik.

"Mens moet maar versigtig wees dat die manne met die wit jaste jou nie kom haal nie!!!" Karien Kriek het by Martie Preller gekuier en ontdek dat sy soms met haar karakters praat om hulle aan die lewe te kry.

Leana van der Walt het by PG du Plessis op sy plaas gaan kuier. Hy sê dat hy reeds as kind begin het om kortverhale te skryf.

Martin Moolman het met die skrywer van die Arendskruinboeke gesels. Lees bietjie wat hy by Hesma Nel uitgevind het.

Ivor Price het by Francois Bloemhof gekuier. "Waar op aarde kry jy genoeg tyd en idees om soveel boeke in so min tyd die lig te laat sien?" wou Ivor by Francois weet.

Ken jy 'n skrywer met wie jy vir Storiewerf 'n onderhoud wil voer?
Kontak Storiewerf met jou besonderhede.

 

 

 

 


Voordeur en inhoud | Jong woordvrate | Ouer woordvrate | e-pos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2016