WERFJOERNAAL: Argief

Die wenners van Lapa se Jeugroman-kompetise is op 4 Maart 2011 by die Woordfees bekend gemaak. Nanette van Rooyen ontvang R25 000 as wenner vir haar manuskrip, Ek was hier. Carina Diedericks-Hugo en Fanie Viljoen deel die tweede plek in die jeugroman-kompetisie vir hul manuskripte, Permanente Ink en Poenk. Hulle ontvang elkeen R15 000. (2011-03)

Nuwe Stories- kortverhaalwedstryd. Human & Rousseau nooi Afrikaanse kortverhaalskrywers jonger as 30 jaar uit om hul ongepubliseerde verhale in te skryf vir die Nuwe Stories 2012 -kortverhaalwedstryd. Meer.

The first African Biennial IBBY Regional Conference is scheduled to take place 31 August to September 2011. The travelling of stories: children’s literature and reading in and of Africa. Call for papers

Are you passionate about theatre? Do you have a message for South Africa's youth? If your answer is YES... enter the 2012 Maskew Miller Longman Literature Awards. Meer

SCBWI-Gauteng loods 'n sketsboekprojek en almal is welkom om deel te neem. Meer

Meer as R12 000 se pryse kan gewen word in die groot nasionale BSV-Skryfwedstryd aangebied deur die Bloemfonteinse Skrywersvereniging in samewerking met NALN en geborg deur die Fakulteit Geesteswetenskappe van die Universiteit van die Vrystaat. Meer...

Dit is weer tyd vir die Sanlam-prys vir jeuglektuur. Die sluitingsdatum is 30 Junie 2011. Meer...

Best Books is besig om 'n nuwe taalhandboek vir graad 4 - 7 saam te stel en hul soek nuwe, kontemporêre gedigte en kortverhaaltjies wat moontlik in die handboek opgeneem kan word. Elke module moet poësie en prosa bevat wat rondom 'n tema en leerarea benut word. Kontak Hendrik Viljoen vir meer inligting en temas
(011 - 392 4845) hendrikviljoen@nfmsa.co.za

Skryfwerkswinkel deur bekroonde skrywer en dramaturg. Harry Kalmer bied in Junie sy skryfwerkswinkel in Potchefstroom aan. Die werkswinkel strek oor twee Saterdae 11 Junie & 18 Junie van 9.30 - 16.00 Meer

Hou jy daarvan as dinge rym,
al meen jou vriende jy’s ’n pyn?
Dan moet jy dalk inskryf vir die ATKV/JIP-gedigtekompetisie en jou woordskeppings met die wêreld deel. Meer. (2011-04)

'n Werkswinkel oor Boekmaak en storievertel word op 6 Oktober 2010 aangebied as deel van die "2nd Unisa Conference on Reading Promotion and Storytelling for Children". Die werkswinkel word aangebied deur Prof Franci Greyling, Vakgroep Skryfkuns, NWU. Meer inligting.

From 6 - 8 October 2010 the 2nd Unisa Conference on Reading Promotion and Storytelling for Children will take place at the University of South Africa in Pretoria. This will be accompanied by a Storytelling Festival on the evenings of 6 & 7 October. Before the Conference a series of workshops will be presented. More.

Kreatiewe skryfkursus vir hoërskoolleerders. ATKV Kuswag Jeug, in samewerking met die ATKV Skryfskool, die ATKV Streekkantoor en Natalia Vakansieoord, bied op 27 en 28 Augustus 2010 'n kreatiewe skryfkursus vir hoërskoolleerders aan. Prof Hans du Plessis, hoof van die ATKV Skryfskool en welbekende skrywer is self die aanbieder. Meer. (2010-07)

Groot pryse in skryfkompetisie. Die Bloemfonteinse Skrywersvereniging, nooi voornemende skrywers om R12 000 los te skryf in die jaarlikse landwye skryfwedstryd van die Bloemfonteinse Skrywersvereniging. Meer. (2010-03)

Maskew Miller Longman, die voorste Suid-Afrikaanse opvoedkundige uitgewer, doen ’n oproep om inskrywings vir die 2011 Maskew Miller Longman Letterkunde-toekenning vir jeugromans. MML bied jaarliks die toekenning vir letterkunde in al elf amptelike Suid-Afrikaanse tale. Ons doel is om letterkunde in al die Suid-Afrikaanse tale te ontwikkel en aspirantskrywers aan te moedig om hul talent te ontgin. Sluitingsdatum 30 April. Meer (2009-12)

Sanlam-prys vir Jeuglektuur 2009. Humortema gaan sorg vir lekkerleesboeke in 2010. Tafelberg en Sanlam is opgewonde oor die finaliste in vanjaar se Sanlam-pryse vir jeuglektuur. Die finaliste in die kategorie vir Afrikaans is: Louise Prinsloo, François Bloemhof, Derick van der Walt, Henning Janse van Vuuren en Erna Müller. Die wenners word op 17 Maart 2010 in Kaapstad aangekondig, en die wenboeke sal in Oktober 2010 op die winkelrakke wees. (2009-12)

LAPA Uitgewers beplan ’n opwindende digbundel met verse wat op lesers tussen 13 en 15 jaar gemik is. Ons wil graag bydraes oor ’n breë spektrum ontvang... Meer. (2009-09)

Bloemfonteinse Skrywersvereniging (BSV): Uitslae van die jaarlikse nasionale skryfwedstryd, Skrywers 2009. Meer.

'n Seminaar oor leesbevordering en storievertel vir kinders vind op 20 en 21 Augustus by Unisa plaas. Meer.

Die 4de Konferensie oor Suid-Afrikaanse Kinder- en Jeugliteratuur is vanjaar deel van 'n gesamentlike kongres met die tema Wêrelde in dialoog wat 8-11 Julie 2009 in Potchefstroom plaasvind. Meer (2009-03)

Maskew Miller Longman invites you to submit your unpublished and original children's stories and illustrations for children. Entries will be judged by children's literature experts in each of our 11 official languages. More. (2008-12-16)

Die groot skryfwedstryd met groot prysgeld en moontlikhede van publikasie in Passi-tydskrif. Voornemende skrywers sal moet opskud om R12 000 los te skryf in die jaarlikse landwye skryfwedstryd van die Bloemfonteinse Skrywersvereniging. Meer. (2009-03)

Die jaarlikse Herfsskool vir skrywers word vanjaar weer deur die ATKV-Skryfskool van die Noordwes-Universiteit aangebied. Bekendes uit die skryfwêreld sal as aanbieders optree. Meer
(2009-02-02)

Gesoek: spookstories, rillers en ander grillers. In die middernagure, onder ‘n bleekwit maan en draderige swart miswolke, is Fantasi Boeke is besig om ‘n bundel vol splinternuwe spookstories saam te stel. Meer (2008-08-01)

Help bietjie dink en wen 'n boek! Storiewerf is besig om 'n soekprogram te ontwikkel om boeke in Oondvars te soek. Hoe soek jy boeke? Watter afdelings dink jy moet ons maak? Bv. avontuur, diere, liefde, strokies, humor, ensovoorts. Stuur jou lysie aan Storiewerf. Tien lesers wat lysies stuur kan elkeen 'n boek wen.

BK Publishing wants to invite all writers to take part in this new publishing venture. A children’s book will be published in 2009 consisting of ten short stories. The book is aimed specifically at children between the ages of 10 and 13 in South Africa. More. (2008-12-16)

Hoezit! In Maart 2008 stel die ATKV 'n opwindende nuwe kindertydskrif bekend. Hoezit! is gerig op 9 - 12-jarige Afrikaanssprekende kinders met 'n onblusbare lus vir die lewe. Lees meer.

Die bestuur van die Bloemfonteinse Skrywersvereniging (BSV) het pas die uitslae van sy jaarlikse landwye skryfwedstryd, Skrywers 2008, bekend gemaak. Meer.

Koop-'n-Afrikaanse-boek-dag. Almal wat belang het by Afrikaans, word gevra om op 14 Augustus een Afrikaanse boek te koop, om te hou of om weg te gee. Meer

Room to Read is currently promoting its first Local Language Publishing Writing Competition that is open to all writers over the age of 18. There are cash prizes of R10 000 each for the best five stories. Manuscripts must be suitable for children aged 6 to14 years, and can be written in any of the 11 official languages of South Africa. More. (2008-04)

Maskew Miller Longman: The 2008 Short Story Competition. Maskew Miller Longman invites you to submit your unpublished and original short story. Entries will be judged by prominent literary figures in each of our 11 official languages. More (2008-02)

Hier is 'n groot geleentheid vir almal wat hulleself as aspirantskrywers beskou. Of jy nou 'n volwassene is, of 'n hoërskoolleerder wat al lank daarna smag om iets van jouself in druk te sien, nie minder nie as R10 000 wag om in 'n landwye skryfwedstryd van die Bloemfonteinse Skrywersvereniging gewen te word. Meer. (2008-03)

HEARTLINES invites you to submit a story for consideration for this new compilation. We are looking for stories about values in action, good stories first and foremost - that show children taking action, individually, with their families, or in groups. More (2008-08-01)

Nuwe kindertydskrif van die ATKV. In Maart 2008 stel die ATKV 'n opwindende nuwe kindertydskrif bekend. Hoezit! is gerig op 9 tot 12-jarige Afrikaanssprekende kinders met 'n onblusbare lus vir die lewe. Lees meer.

Die name van die finaliste wat meeding om vanjaar se Sanlam-pryse vir jeuglektuur is pas deur Tafelberg en Sanlam bekend gemaak. Lees meer (2008-02)

Die gewilde Herfsskool vir skrywers word in 2008 van 10-14 Maart by die Noordwes-Universiteit, Potchefstroom aangebied. Meer (2008-02)

Kinderboekskryfskool - kom leer saam by die kenners! ATKV-Projekte bied in samewerking met die Provincie Antwerpen 'n kinderboekskryfskool vanaf 31 Maart tot 2 April 2008 aan. Meer. (2008-02)

Vonkelfiksie-Skryfkompetisie 2007. Baie geluk aan die wenners! Baie dankie vir elkeen wat aan die kompetisie deelgeneem het. Dit was baie moeilik om die wenners te bepaal. Lees die wenverhale.

Die wenners van Storiewerf Versfabriek verjaarsdagwedstryd 2007 is Cari Viljoen, Dalene de Vente, Blignaut Viljoen, Liza Combrinck en Alida Louw. Lees hul gedigte in Versfabriek.

Die Derde Konferensie oor Suid-Afrikaanse Kinder- en Jeugliteratuur waartydens ook werkwinkels oor die skryf oor/van Suid-Afrikaanse kinder- en jeugliteratuur aangebied sal word - word van 17 tot 20 September 2007 op die Potchefstroom-kampus van die Noordwes-Universiteit gehou. Meer inligting. (2007-01-25)

Die bestuur van die Bloemfonteinse Skrywersvereniging (BSV) het die uitslae van sy jaarlikse landwye skryfwedstryd, Skrywers 2007, bekend gemaak. Volledige berig

Sanlamprys vir Jeuglektuur 2007. Goeie nuus vir skrywers van jeugboeke! Die sluitingsdatum vir inskrywings vir die Sanlam-prys vir Jeuglektuur 2007 word verleng van 18 Augustus 2006 tot 30 Junie 2007. Volledige inligting. 2006-08-22

Maskew Miller Longman launches Drama Competition for all 11 official South African languages. This second Literature Award competition, which focuses on the genre of drama and gives equal weighting to all official South African languages. More... 2007-01-20

Macmillan is delighted to announce the start of the fourth Macmillan Writer's Prize for Africa, the only literary prize awarded to writers of unpublished African children's literature. The competition is open to entrants from all countries in Africa. More... 2007-01-20

Wedstryd: Stuur ons jou gunstelingboeke! IBBY SA, die Suid-Afrikaanse organisasie vir kinder- en jeugboeke, sal 100 Suid-Afrikaanse Kinder- en Jeugboeke by die Kaapstadse Boekefees vanaf 16 tot 19 Junie 2007 ten toon stel. Voor die Boekefees is daar ’n kompetisie. Stuur vir ons ’n lys van jou gunstelingboeke vir kinders of jongmense. Hulle kan in enige van die Suid-Afrikaanse tale geskryf word. Daar’s ’n boekprys vir die persoon met die meeste titels op die IBBY SA lys van 100. Lees meer. (2007-06-03)

Ek is 'n skrywer!-kompetisie. Die wenners van die Afrikaanse afdeling is: Roman: Derick Muller (Strand, 26 years) - Vuil skottelgoed; kortverhaal graad 7-9: Adriaan Steyn (Bloemfontein, 16 years) - Twee jokers; kortverhaal graad 4-6: Christine Pretorius (Kathu, 10 years) - Platte soek 'n huis. 2006-11-07

Die wenners van Storiewerf se Vonkelfiksie skryfkompetisie 2006 is: Monique Heystek, Charl du Preez, Marjolé Mulder, Thomas Verhave, Abigail Braaf, Leon van der Vyver en Marguérite Fouché. Baie geluk! Lees die stories.

Hier is 'n groot geleentheid vir almal wat hulleself as aspirantskrywers beskou. Of jy nou ongepubliseerde volwassene is, of 'n hoërskoolleerder wat al lank daarna smag om iets van jouself in druk te sien, nie minder nie as R10 000 wag om in 'n landwye skryfwedstryd van die Bloemfonteinse Skrywersvereniging gewen te word. Meer... (2007-03)

Alle Babalela aanhangers: Ons voer die komende Paasvakansie Babalela by twee fantastiese teaters in Pretoria op. Meer inligting (2007-03-01)

Die ATKV-Skryfskool bied vanjaar die gewilde Herfsskool vir skrywers van 26-30 Maart op Nooitgedacht (Potchefstroom) aan. Sprekers en aanbieders sluit bekendes in soos Coenie de Villiers, PG du Plessis, Hans du Plessis, Leon de Villiers, Anzil Kulsen, Dana Snyman en Deon Meyer. Meer inligting. (2007-02-01)

Ons jeugtydskrif verskyn een van die dae op Suid-Afrika se rakke. Ons is op soek na skrywers wat vir ons kan skryf in afdelings soos: spookstories, keuseverhale, sprokies speurverhale, fantasie, verhale oor gestremdes, liefdesverhale - ens. Die stories moet geskryf word vir kinders of tieners as aparte kategorieë, en mag nie langer as 1000 woorde wees nie. Moenie vergeet om julle name en kontak-besonderhede aan te heg nie. Stuur julle bydraes na tufftydskrif@gmail.com Tuff-groete Betsie Meyer (2007-04-01)

Erebenoeming vir Lena se bottelboom deur Wendy Maartens. Lena se bottelboom/ Lena's bottle tree (LAPA Uitgewers), is een van slegs vier boeke en die enigste kinderboek wat 'n erebenoeming van die beoordelaars van die Noma Awards for Publishing in Africa 2006 gekry het. 105 titels van 63 uitgewers in 15 lande, in 8 tale is ontvang om in aanmerking te kom vir die 2006 kompetisie. Slegs twee titels is uitgesonder vir 'n erebenoeming. (2006-11-15)

Die geleentheid waarvoor almal gevra het: ‘n Dag van teater, boeke en wyn op De Compagnie Wynlandgoed. Die avonture van wilde Willemientjie
KANNA-pryswenner vir die Beste Kinder-produksie (KKNK 2006)
word opgevoer op die plaas waar dié wilde meisiekind ontstaan het 11 November 2006, 10:00. Volledige berig. 2006-10-20

Avonture in Sonneland - kinderproduksie Pretoria. Dis heerlike Lente! Ons twee gewilde en geliefde muismaats, Frikkie & Prikkie is weer vol streke en dinge. Maatjies, kom kuier die Lentevakansie in Sonneland! Meer hieroor. 2006-09-10

ABC opvoedkundige en kulturele vereniging uit België soek na plaaslike illustreerders om te te help met Kamishibai-projek in Oktober (Johannesburg). Volledige inligting en kontakbesonderhede. 2006-09-18

Kortlys bekend vir die Ek's 'n skrywer!-kompetisie. You, Huisgenoot, Drum, Human & Rousseau Uitgewers, SABC Education en RSG se radioskryfskool, Zip, kondig met trots aan die kortlys van die grootste skryfkompetisie vir ongepubliseerde jong aspirantskrywers: Ek's 'n skrywer! Volledige kortlys.

Wen met jou kinderverhaal. Skryf daardie storie wat jy jouself al jare lank beloof om te doen en wie weet, dalk wen jy die groot prys en net miskien word jou verhaal as 'n boek uitgegee! Neem deel aan die Taalgenoot/ Antwerpen-kinderverhaalwedstryd. 2006-07-01
Volledige besonderhede.

Koop 'n boek op 14 Augustus! Een of twee of tweehonderd... Van 14-19 Augustus is dit Afrikaansweek. Afrikaanssprekendes is in rep en roep. Afrikaners is plesierig en praterig en vol pret - en dit alles in Afrikaans. En baie belangrik: op 14 Augustus word elke gesin in die land opgeroep om een Afrikaanse boek te koop. Volledige berig.

South African National Parks is running a Writing Competition to celebrate and explore our parks...with words. The competition theme "Know Your Parks" is broad and open to interpretation, and we're looking forward to colourful and innovative entries in the following categories: Poetry, Prose and Children's Stories, as well as two categories for younger writers ages 8-12 and 13-17. If you want to enter either contact diannet@sanparks.org or look on the website for details. www.sanparks.org

Werkswinkels in kreatiewe skryfwerk vir jongmense en mense wat betrokke is by jongmense. Aangebied deur die Eenheid vir Navorsing in Kinderliteratuur, Universiteit van Suid-Afrika en vyf bekroonde Vlaamse jeugboekskrywers. Upington, 22-26 Augustus 2006. Volledige inligting. 2006-07-22

Ons voer Babalela se twee storieboeke op! Hierdie uiters geliefde en gewilde kinderboeke (Babalela en Diep in die donker bos) word die komende Winter-skoolvakansie in Pretoria-Oos opgevoer. Kom ontmoet vir Babalela! Datum: Dinsdag, 27 Junie tot Saterdag, 8 Julie 2006 Tyd: 10:00vm & 14:00nm Plek: Bethel Chapel (Beaglestraat, Garsfontein, Pretoria-Oos). Besprekings en meer inligting. Dúlinda of Carin by 082 467 7434 / (012) 997-2491 / dulinda@telkomsa.net / Computicket (2006-06-01)

Wen groot met poësie-kompetisie. Die Afrikaanse Taalmuseum nooi alle graad 11- en 12-leerders uit om gedigte in te stuur vir ‘n poësie-kompetisie. Die wenner ontvang ‘n prys van R1 000! Die gedig moet in Afrikaans wees, dit moet jou eie werk wees en jy mag nie meer as twee gedigte instuur nie. Geen handgeskrewe tekste sal aanvaar word nie en gedigte moet verkieslik nie langer as een A4 grootte bladsy wees nie. Inskrywingsvorms kan verkry word by Die Afrikaanse Taalmuseum. Navrae kan gerig word aan Catherine Snel by 021 872 3441. Gedigte kan ingehandig word by die Afrikaanse Taalmuseum, Pastorielaan 11, Paarl. Jy kan dit ook e-pos na hgm@taalmuseum.co.za, of pos na Posbus 498, Paarl, 7620. Die sluitingsdatum is 30 Junie 2006.

Wat kan rym met asma? Jong digters 'n Sony Playstation2 of Apple iPod wen in 'n poësiewedstryd wat saamval met die Wêreld-Asmadag. Vir die wedstryd moet jy 'n gedig skryf met die tema asemhaal, lug of enige ander onderwerp wat met asma verband hou. Meer inligting

Laerskool Eikestad is tans besig om 'n "masive" Wêreldboekedag te beplan! Ons gaan kostuums laat borg, eregaste uitnooi en almal "rock" met boeke! Dis natuurlik ook ons tema: We will rock you/ons sal julle wakker skud met boeke!! Daar gaan pryse weg gegee word en met 'n wonderlike span gaan ons klanke, liedjies, ens speel! Nie sommer enige musiek nie!! Laerskool Eikestad is nie "outyds" nie, nee ons gaan die nuutste Pop/Rock, R&B, ens speel. Ons moet boeke vir die wêreld wys dat boeke BAIE interessant is!! Eikestad gaan ook seker maak dit word 'n koerant (hoof) opskrif. Carina Diedericks-Hugo gaan soos altyd een van ons eregaste wees!! Onthou: Lees is LEKKER!!! (Adriaan Louw)

'n Kanna vir Wilde Willemientjie. Die musiekverwerking van die prenteboek Die avonture van Wilde Willemientjie is tydens die afgelope KKNK bekroon met 'n gesogte Kanna-toekenning as beste kinderproduksie van die KKNK 2006. Meer 2006-04-12

Die onweerstaanbare karaktertjie Wilde Willemientjie word op vanjaar se KKNK bekend gestel. Riana Scheepers se eerste kinderboek, Die avonture van Wilde Willemientjie, gewaarborg om lesers van álle ouderdomme te betower, word nie verniet nie deur 'n leser beskryf as "… die heel beste ding sedert Smarties en roomys!" Meer inligting.
2006-03-20

Die grootste skryfkompetisie vir ongepubliseerde jong aspirantskrywers: Ek's 'n skrywer! Die kompetisie word aangebied deur You, Huisgenoot en Drum, Human & Rousseau Uitgewers, SABC Education en RSG se radioskryfskool, Zip. 'n Nuwe en opwindende Suid-Afrikaanse verhaal, geskryf in Afrikaans, Engels, of een van die Sotho- of Nguni-tale, deur enigiemand onder 35 jaar staan 'n kans om 'n kategorie te wen in hierdie ongelooflike kompetisie. Sluitingsdatum 30 April 2006. Meer inligting.

Suid-Afrikaanse Kinderboekforum (IBBY Suid-Afrika) se eerste byeenkoms in Pretoria. Ons wil graag alle kinderboek-mense (oud en jonk) in Pretoria bymekaar maak om te kom gesels, dink en leer oor die Suid-Afrikaanse kinderboek. Die eerste byeenkoms vind plaas op Woensdag 29 Maart om 17:30: Fascination Books: Brooklyn Mall. Ons gesels oor 2005 se Sanlam pryswenners. Meer inligting. 2006-03-11

Die pas heruitgereikte Rympieman bestaan uit twee Cd's plus 'n boekie met gedrukte teks. Rympieman bevat byna 200 alombekende Afrikaanse rympies en liedjies. Meer inligting 2006-02-11

Dis storietyd by Woordfees 2006. Die Woordfees (6-12 Maart) se tema is vanjaar “Stories”. ‘n Simposium oor kinder- en jeugliteratuur is deel van die program. Verskeie kenners kom gesels oor verskeie relevante aspekte soos ondermeer dié aspekte in ‘n verhaal wat boeke vir leerders gewild maak, hoe en wat die jeug graag lees en wat die uitdagings is van hedendaagse jeugskrywers. Meer inligting. 2006-02-01

Die jongste uitgawe van die Literator tydskrif handel spesifiek oor Suid-Afrikaanse Kinderliteratuur. 'n Aantal eksemplare is teen R45 beskibaar: Inhoud en inligting.

Skrywers! Stuur julle verhale, poësie en dramas. Bateleur Books wil graag aan alle skrywers, gevestig of onbekend, 'n uitnodiging rig om hulle skeppende werk voor te lê aan ons vir moontlike opname in bloemlesings wat aan die departement voorgelê kan word. Volledige inligting. (Januarie 2006)

Vlaamse Jeugliteratuurfees in Pretoria. Van 12 tot 15 Oktober word ‘n Nederlandse literêre fees by die Universiteit van Pretoria aangebied. Unisa se Eenheid vir Navorsing in Kinderliteratuur is verantwoordelik vir die aktiwiteite rakende kinder- en jeugliteratuur. Die program sluit in 'n ‘n uitstalling van moderne Vlaamse kinder- en jeugboeke by Protea Boekhuis in Hatfield, ‘n uitstalling van Vlaamse strokiesprente, en aktiwiteite rondom die besoek van die befaamde Vlaamse jeugboekskrywer, Anne Provoost. Volledige berig. (Oktober 2005)

CP Hoogenhout vir Droomoog Diepgrawer. Unisa se Eenheid vir Navorsing in Kinderliteratuur het bekendgemaak dat Leon de Villiers se boek, Droomoog Diepgrawer, die wenner is van die CP Hoogenhouttoekenning vir Kinderliteratuur. De Villiers het vroeër ook die Alba Bouwerprys vir kinderliteratuur vir die boek ontvang. Die prys is op Vrydag 30 September by die Aardklop Kunstefees aan hom oorhandig. Volledige berig.

Slypskool vir aspirant en beginner en gevestigde skrywers aangebied deur Anne Provoost, Vlaamse jeugboekskrywer en die Eenheid vir Navorsing in Kinderliteratuur, Unisa, Donderdag 13 Oktober. Beriggie.
(Oktober 2005)

Sanlam-prys vir Jeuglektuur 2005: Drie Afrikaanse wenners pleks van twee! Die wenners van vanjaar se Sanlam-pryse vir jeuglektuur is so pas bekend gemaak. Die standaard van die Afrikaanse inskrywings was so hoog en die twee manuskripte wat meegeding het om Goud het so kop aan kop geloop dat die beoordelaars nie anders kon as om aan albei presies dieselfde punt toe te ken nie. Die Afrikaanse wenverhale is geskryf deur Francois Bloemhof (goud), Fanie Viljoen (goud) en Engela van Rooyen (silwer). Volledige berig.

'n Boek oor Stellenbosch se skrywers, Stellenbosch Writers, is onlangs vrygestel. Die boek bevat inligting oor 355 skrywers wat bande met dié dorp het soos Piet Grobler, Philip de Vos, Hester Heese, Dianne Hofmeyr, Maretha Maartens en PJ Schoeman. Vir meer inligting kontak die redakteur, Rosemarie Breuer. rosie@stellenboschwriters.com

Koop-een-Afrikaanse-boek-dag. Op 13 Augustus 2005 is dit "Koop-een-Afrikaanse-boek-dag" wat deur die VVA (Vriende van Afrikaans) gereël word. Dit val saam met die jaarlikse Afrikaansweek (6 -14 Augustus) wat landwyd deur Afrikaanse instansie en skole gevier word. Daar word op hierdie dag 'n beroep gedoen op almal wat Afrikaans praat om een Afrikaanse boek te koop, om te hou of om weg te gee. Dit is 'n bewusmakingsveldtog wat ten doel het om die aandag te vestig op die fantastiese Afrikaanse boeke wat op die mark is, maar ook om 'n leeskultuur aan te moedig. Protea, Van Schaik (en LuX Verbi) en Wordsworth neem hieraan deel en gaan hulle Afrikaanse boeke op daardie dag teen 10% afslag verkoop. (Augustus 2005)

Gesoek: Plaasstories. Riana Scheepers is is besig om 'n boek saam te stel. Nie sommer só 'n boek nie, 'n wonderlike, wonderlike boek. Die voorlopige werkstitel is: Wingerd- en plaasstories Saamgestel deur Riana Scheepers en Nicci Thabo. 'n Bloemlesing "wingerd- en plaasstories" dus. Hieroor is ek baie, baie baie opgewonde. Meer inligting. (Julie 2005)

Bekronings: MER-pryse, M-Net-prys, Jan Rabie/Rapport-prys. Vaselinetjie deur Anoeschka von Meck (Tafelberg-Uitgewers) het die dubbele onderskeiding behaal dat beide die Jan Rabie/Rapport-prys en die MER-prys vir jeuglektuur daaraan toegeken is. Sy het ook ’n M-Net-prys daarvoor ontvang. Die MER-prys vir kinderlektuur, is toegeken aan Wynand Louw vir Mr Humperdinck’s wonderful whatsit, met illustrasies deur Marjorie van Heerden (Human & Rousseau). Volledige berig.

Gesoek: Verhale vir kortverhaalbundel. Die nuwe bundel sal voorgelê word vir moontlike voorskrywing vir Graad 11 Afrikaans Huistaal en/of Afrikaans Eerste Addisionele Taal in 2006/7. Die bundel sal ook aan die algemene leserspubliek bemark word. Hierdie is dus `n ideale geleentheid tot publikasie. Volledige inligting. (Julie 2005)

Nuwe tydskrif vir lesers en skrywers. Kakkerlak is 'n nuwe tydskrif oor boeke, skrywer, kuns en kultuur. Die nuutste uitgawe bevat onder andere artikels oor Jaco Jacobs en die Hobson Broers asook Die ABC van skryf deur Martie Preller. Vir meer inligting Kontak die redakteur Chrisna van Rensburg emas@mweb.co.za.

Bekendstelling van Van Patrys-hulle tot Hanna Hoekom: 'n gids tot die Afrikaanse kinder- en jeugboek. LAPA Uitgewers. Van Patrys-hulle tot Hanna Hoekom vervul 'n belangrike leemte in die beskrywing van die Afrikaanse kinder- en jeugliteratuur en dit is ideaal geskik vir kinders, ouers, onderwysers, akademici, uitgewers, bibliotekarisse, boekhandelaars - trouens, elkeen wat op die een of ander wyse betrokke is by die kind en die leefwêreld van die kind. Dit kan inderdaad met reg aanspraak maak op die benaming standaardwerk oor hierdie breë terrein. Meer inligting.

Sanlam en Tafelberg-Uitgewers het so pas die name van die finaliste in die Sanlam-prys vir Jeuglektuur 2005 bekend gemaak. Die finaliste in die kategorie vir Afrikaanse jeugromans is François Bloemhof, Annerie Britz, Naomi Meyer, Derick van der Walt, Engela van Rooyen en Fanie Viljoen. In die afdeling vir Engelse jeugromans is die finaliste Darrel Bristow-Bovey, John Coetzee, J.W. Hichens, Heather Lee-Graham, Janie Oosthuysen en Jenny Robson. In die afdeling vir Nguni-tale is die finaliste Sabatha Sifundza, met 'n jeugverhaal in siSwati, en Dumisani Sibiya, met een in isiZulu, terwyl die finaliste in die afdeling vir Sotho-tale Kabelo Duncan Kgatea is, met 'n manuskrip in Setswana, en K.P.D. Maphalla, met een in Sesotho. Meer inligting.

Laerskool Jan van Riebeeck in Kaapstad gaan 'n wonderlike week hou rondom Wêreld Boekedag (23 April). Markus Stermuis gaan vir ons kom kuier, Carina Diedericks-Hugo gaan ons ouer leerders kom toespreek, en ons hou 'n heerlike "opdress" dag. Leerders moet aantrek soos 'n karakter uit 'n sprokie. Om alles te kroon hou ons 'n skryf-kompetisie! Leerders moet 'n storie skryf van 'n minimum van 1 bladsy. Die wenner wen 'n radio-onderhoud op Zip!

Die ATKV-Kinderboek-toekennings vir 2004 is bekend gemaak. Die ATKVeertjie-toekennings gaan aan die skrywers (en illustreerders, waar van toepassing) van 2003 se beste kinderboeke. Daar is meegeding in vyf kategorieë wat volgens ouderdomsgroepe ingedeel is. Kategorie 3- 6 jaar: Parmant deur Leon de Villiers en geïllustreer deur Samantha van Riet. Kategorie Graad 1- 3: Manie se Motor deur Una Koch en geïllustreer deur Alta Joubert. Kategorie Graad 4- 5: Erik en die kido-dinges deur Leon de Villiers. Kategorie Graad 6-7: Pretpark deur Jaco Jacobs. Kategorie Graad 8-10: Koning Henry deur Carina Diedericks-Hugo. Volledige berig.

Laerskool Lynnwood se skrywersaand van Dinsdagaand 15 Maart 2005 was 'n reuse sukses. Die gaste het iets eie aan Afrika aangetrek. Witstinkhout het die gaste aan die brand gehad met hulle puik tromuitvoerings. Prof. Christina Landman, Anthony Wilson en Robert Pearse was die sprekers terwyl Johan Lodewyk Marais en Henk Hugo van hul gedigte voorgelees het.

Miemie du Plessis, LAPA se kinderboekuitgewer, is deur 'n span Suid-Afrikaanse beoordelaars gekies om Suid-Afrika in Maart in London by die "International Young Publisher of the year award" te verteenwoordig. Tien lande nomineer elk ‘n uitgewer jonger as 35 jaar oud wat dan meeding om ‘n prysgeld van 7 500 pond wat aangewend kan word vir verskeie projekte. (Maart 2005)

'n Vergadering om 'n Noordelike tak van die Society for Children's Book Authors and Illustrators in Suid-Afrika op die been te bring word 28 April om 18:00 by Rapunzel Children's Book Shop in Duncan Street, Hatfield, Pretoria gehou. By hierdie geleentheid sal uitgewers van kinderboeke en leesreekse kom gesels oor hulle publikasie-program vir die res van die jaar. Beplanning sal ook gedoen word van SCBWI aktiwiteite in die noorde vir die res van 2005. Meer inligting sal later bekend gemaak word. Vir navrae kontak Thomas van der Walt by vdwaltb@unisa.ac.za (Maart 2005)

ALTESAAM R8 000 se prysgeld kan vanjaar gewen word in 'n landwye skryfwedstryd van die Bloemfonteinse Skrywersvereniging Hierdie kompetisie is oop vir volwassenes en hoërskoolleerlinge wat nog nie voorheen gepubliseer het nie. (Volledige besonderhede) (Maart 2005)

The Macmillan Publishers are delighted to announce the third Macmillan Writer’s Prize for Africa. This biennial competition is devoted to previously unpublished works of fiction by African writers, and aims to promote and celebrate story writing from all over the continent. The prize focuses on the reading interests of children and young people. (Besoek die webtuiste vir volledige inligting www.write4africa.com) (Maart 2005)

Die 2de Konferensie oor Suid-Afrikaanse Kinder- en Jeugliteratuur vind vanaf 30 Junie - 2 Julie 2005 in Potchefstroom plaas. Hierdie konferensie vind gelyklopend met die Internasionale konferensie oor hibriditeit, liminaliteit en grense plaas en word aangebied deur die Potchefstroomse navorsingsgroep oor ruimte en identiteit en die Literator-vereniging. (Meer inligting en oproep om bydraes.) (Februarie 2004)

Die skryf van kinderliteratuur is een van die bene wat in die jaarlikse Herfsskool van die ATKV-Skryfskool aangebied word. Die Herfsskool word 14-18 Maart op Buffelspoort aangebied. (Volledige inligting) (Februarie 2005)

LIASA has declared 14 to 18 March 2005, South African Library Week. During this week stakeholders will celebrate and promote library and information services throughout South Africa with the theme: "Libraries: opening the doors of learning and culture to all". Volledige berig.

Kort kursus: Inleiding tot kinder- en jeugliteratuur vir Suid-Afrikaanse opvoeders word in Desember in Kaapstad aangebied. Lees meer. (November 2004)

Goeie nuus vir alle kortverhaalskrywers is dat die Woordfees vanjaar vir die eerste keer - in samewerking met Protea Boekhuis en LitNet 'n nasionale Afrikaanse kortverhaalkompetisie aanbied. Lees meer. (September 2004)

Poësie-slypskool vir hoërskoolleerders. Die Afrikaanse Taalmuseum in die Paarl bied op Saterdag 16 Oktober 2004 van 09:00 – 14:00 ‘n poësie-slypskool deur die bekende skrywer en digter George Weideman aan. Alle jong digters word uitgenooi om die slypskool by te woon. Die bywoningskoste is R50. Slegs beperkte plekke is beskikbaar. Bespreek by Catherine Snel by 021 872 3441. (September 2004)

Hulde word gebring aan Barry Hough, die gewilde en veelbekroonde skrywer wat op 16 Augustus oorlede is. Barry het met sy aktuele jeugverhale soos My kat word herfs, Vlerkdans en Skilpoppe 'n baie groot bydrae tot die Afrikaanse jeugboeke gemaak en sal deur jong lesers gemis word. (Augustus 2004)

IBBY-kongres in Suid-Afrika. Die Suid-Afrikaanse Kinderboekforum is vanjaar die gasheer vir die 29ste wêreldkongres van die International Board on Books for Young people. Die kongres vind van 5-9 September in Kaapstad plaas en word in die Baxter-teater aangebied. Vir meer inligting en 'n program besoek die webtuiste. http://www.sacbf.org.za/ (Julie 2004)

Unisa en Vlaamse slypskool in kreatiewe skryfwerk. Van 11-13 Augustus bied Unisa se Eenheid vir Navorsing in Kinderliteratuur (ENIK) 'n slypskool in kreatiewe skryfwerk aan wat gelei sal word deur vyf top Vlaamse jeugboekskrywers. ENIK en die vyf skrywers (Marita de Sterck, Els Beerten, Daniel Billiet, Kolet Janssen en André Sollie) het die slypskool in 2002 en 2003 met groot sukses in Pretoria en Kaapstad aangebied. Meer inligting.

Babbelbox se vakansieprogram: Die vakansieproduksie is Die Ertjieprinses. Die produksie speel vanaf die 26ste Junie tot 30 Julie, Woensdae en Vrydae om 15:00 en Saterdae om 11:00. Besprekings kan gedoen word by Henriëtte Darvall. Tel 012 9977907.

Maasdorp is weer met ons! In 1932 publiseer ’n onbekende skryfster, Stella Blakemore, Die meisies van Maasdorp. Min het sy geweet dat dit die begin sou word van ’n reeks – een van die bekendste, geliefste en suksesvolle jeugreekse in Afrikaans. Heruitgawes het in 1970 en 1995 verskyn en vanjaar keer Kobie, Elsabe, Breggie, Heloise en al die meisies van Maasdorp weer terug – 72 jaar na die eerste verskyning! Oondvars jeug.

Rapunzel Books se vakansieprogram sluit in werkswinkels volgens temas vir Gr 0 - Gr 3 met hope handwerk- en boekepret; Bos in die BOS - Interaktiewe pret met maskers & gesigverf; Poppekasvertonings en Poppekas-Werkswinkel: Kom maak jou eie pop EN doen jou storie! Rapunzel Books is in Duncan Yard, h/v Duncan- en Prospectstrate (Pretoria) Tel: 012 362 2208

Francois Bloemhof deel sy skryfwenke. Donderdagaand 17 Junie om 8-uur is dit weer tyd vir die jeugprogram ZIP op Radio Sonder Grense, spesiaal vir almal wat ‘n passie het vir kreatiewe skryfwerk, en wat op soek is na advies, nuus en inspirasie. Carina Diedericks-Hugo en Susan Booyens gesels met die bekroonde skrywer Francois Bloemhof oor sy loopbaan en hy sal ook van sy skryfwenke met die luisteraars deel. Dis Zip, tussen 8 en half 9. (Junie 2004)

Splinternuwe program op RSG. Donderdag 22 April 2004 om 8-uur begin ‘n splinternuwe program op RSG met die kort en kragtige naam ZIP. Die teikengehoor is jongmense wat ‘n passie het vir lees en veral kreatiewe skryfwerk, en wat op soek is na advies, nuus en inspirasie. Meer inligting. (April 2004)

'n VOLLE R5 000 se prysgeld kan vanjaar gewen word in 'n opwindende, landwye skryfwedstryd deur die Bloemfonteinse Skrywersvereniging gereël slegs vir volwassenes en hoërskoolleerlinge wat nog nie voorheen gepubliseer het nie. Volledige berig. (Maart 2004)

Unisa se Eenheid vir Navorsing oor Kinderliteratuur (ENIK) bied op 2 Maart 'n seminaar aan oor Godsdiens, letterkunde en die kind. Plek: Senaatsaal, Theo van Wijkgebou, Unisa, Pretoria. Meer inligting. (Feb 2004)

Die ATKV-Skryfskool se Herfsskool kom nader. Die ATKV-Skryfskool bied vanjaar die gewilde Herfsskool vir skrywers van 22-26 Maart in Potchefstroom aan. Bekende skrywers, soos Elias Nel, Adrio König, Martie Preller, Corlia Fourie, Abraham de Vries, Ronel Nel en Winston Mohapi is ingesluit. Meer besonderhede. (Feb 2004)

Iranse kinderfilm en boekfees in Pretoria. Die Eenheid vir Navorsing in Kinderliteratuur van Unisa en die Ambassade van Iran bied 'n Iranse kinderfilm en boekfees aan van 9-14 Februarie. Behalwe die kinderfilms wat vertoon sal word, word kinderboeke, opvoedkundige speelgoed, poppe met tradisionele drag, kinderboekillustrasies en kinderkuns uit Iran uitgestal. 'n Iranse kinderboekskrywer, Mahdi Shojaee, bied ook op Woensdag 12 Februarie 'n lesing aan oor Iranse kinderliteratuur.Kinders van skole in Pretoria gaan tyens die week kunswerke maak en tekste en briewe skryf oor hulle skole, lewe in Suid-Afrika en Pretoria
en dit sal dan uitgeruil word met skole in Teheran wat dieselfde sal doen oor hulle stad en skole. Die materiaal sal later vanjaar in Pretoria uitgestal word. Navrae: Dr Thomas van der Walt, Unisa Tel: (012) 4296520 of e-pos: vdwaltb@unisa.ac.za (Feb 2004)

Repelsteeltjie by Babbelboks. 2004 is 'n sprokie by Babbelbox en daar is 'n gefladder van feetjies, prinse, prinsesse, towerspreuke, vlegsels, goeie feë en potte vol goud op die verhoog. Ons skop die jaar af met REPELSTEELTJIE. Die ou ou sprokie kry nuwe glinster as die outydse spinwiel geruil word vir 'n meer moderne spinfiets! Repelsteeltjie begin die 7de Februarie en daar sal elke Woensdag, Vrydag en Saterdag vertonings wees tot die 28ste Februarie. (Kinderteater & Boekwinkel Kimiad, Wekkerstraat Moreletapark, Pretoria Tel: (012) 997 7907) (Feb 2004)

Die Jong Skrywers van Laerskool Lynnwood woel en werskaf vir 'n vale! Vanjaar 2003, het hulle 'n negende bundel stories saamgestel, Die Ruimte-avontuur. Van die leerlinge het aan die Waterbergse Afrikaanse Kunsfees deelgeneem en baie goed presteer. Die Laerskool Lynnwood Jongskrywers Vereniging is die inisiatief van Louise Prinsloo, 'n personeellid van die skool. As 'n leerling 'n storie, rympie, gediggie ingee, is daardie leerling outomaties lied van die LLJSV, en die kinders en ouers is mal daaroor.

Afrikaanse kinderstories in Nieu-Seeland. Die East Coast Bays Biblioteek in Browns Bay, Auckland nooi alle ouers met kleuters van 3 jaar en ouer om hul Afrikaanse Stories en Rympies by die biblioteek te kom geniet. Wanneer? Elke Woensdagoggend om 10.00. Navrae Susan Kok, by tel. 486 8577 (Berig van Die Afrikaanse klub in Nieu-Seeland)

Die inligting vir Sanlam-prys vir Jeuglektuur 2005 vir so pas bekend gemaak. Die borg, Sanlam, het die prysgeld vir die Samlam-prys vir Jeuglektuur ingrypend opgestoot. ’n Skrywer wat met ’n Goue Prys wegstap, kry van nou af aan R12 000, en iemand wat ’n Silwer Prys verower R6 000. Meer inligting en wedstrydreëls.

A workshop on writing van illustrating children's storybooks. From the 8th to the 19th of December 2003, PRAESA will host a workshop on writing and ilustrating storybooks for children aged 0 to 10 in the Arts Block at UCT. Information (Des 2003)

ATKV-Woordwoekeraars hou skryfkompetisie. Nuwe skrywers van vyftien tot tagtig jaar word genooi om aan dié kompetisie deel te neem. Volledige inligting. (Des 2003)

Skryfkompetisie waar jy in jou eie TV-storie kan speel én 'n reis na Italië kan wen. Al die besonderhede. (Nov 2003)

Kinderteater en -boekwinkel in Moreletapark, Pretoria. Die Babbelbox open met 'n opvoering Die Maniese Pie-eet Kompetisie. Meer inligting. Babbelbox kinderteater se vakansieprogram

Kompetisie vir skrywers en illustreerders. First Words in Print nooi skrywers en illustreerders om nuwe boeke vir kinders tussen 0-5 jaar voor te lê. Meer inligting en wedstrydreëls. (Okt 2003)

Ou Langoor donkie is deurmekaar. Die afgelope paar maande het hy die eienaardigste stories gehoor by die ander diere op die plaas: die ou koeistalle word nou verander in 'n towerplek! As klein Giggel gansie nie uitasem kom vertel van potte verf wat afgelaai word nie, dan is dit Bertus bok wat moes koes voor 'n lorrie vol ligte! Die eienaardigste storie nog is Aristoteles aap wat vertel van 'n verhoog en kartondose vol… boeke! (vertel verder!)

Internasionale kinderboekkenner in Suid-Afrika. Kimberley Reynolds is die hoofspreker by die Konferensie oor Suid-Afrikaanse Kinder- en Jeugliteratuur wat later vanjaar by die PU vir CHO plaasvind. Prof. Reynolds is direkteur van die National Centre for Research in Children's Literature aan die University of Surrey, Roehampton (Brittanje). Sy bied ook 'n drietal werkswinkels tydens die konferensie aan. Volledige inligting.

Harry Potter wikkel in Afrikaans. Vertaalwerk aan die 5de titel in Human & Rousseau se reeks Afrikaanse Harry Potters vorder flink. Bekroonde skrywer Janie Oosthuysen, wat weer die vertaalwerk doen, het reeds 13 hoofstukke van Harry Potter and the Order of Phoenix uitmuntend vertaal - en daar is geen toorkunsies betrokke nie! Lees meer

Nuwe rekord vir Storiewerf. Gedurende April en Mei is 'n gemiddeld van 700 bladsye per dag op Storiewerf besoek.

Die wenners van Storiewerf se skryfkompetisie vir 2003 is: Lana Fourie, Helen van der Horst, Suretha du Plessis, Lizet Engelbrecht, Marietjie Vos, Marie-Louise Solms. Lees die wenstories in Vonkelfiksie. Daar was baie goeie inskrywings en dit was moeilik om die wenners te kies. Baie dankie vir almal wat deelgeneem het!

Verteenwoordigende beraad oor Afrikaanse skrywer- en boekesake word op 22 September 2003, die Maandag voor Aardklop, in Potchefstroom gehou. Volledige inligting en program. (Julie 2003)

Konferensie oor Afrikaanse kinder- en jeugliteratuur. Die Eenheid vir Navorsing in Kinderliteratuur van Unisa bied van 17-19 September 2003 ‘n konferensie oor Afrikaanse kinder- en jeugliteratuur aan by die Goudini Oord naby Worcester. Meer inligting. (Julie 2003)

'n Konferensie oor Suid-Afrikaanse Kinder- en Jeugliteratuur word van 30 September tot 3 Okober 2003 by die Potchefstroomse Universiteit vir Christelike Hoër Onderwys aangebied word. Volledige inligting. (Junie 2003)

Skryf nou in vir die Taalgenoot se kinderverhaalwedstryd en staan die kans om R15000 se pryse te wen! Daar is drie afdelings om aan deel te neem: Voorleesverhale vir kinders van 3-5 jaar; Voorlees- of selfleesverhale vir kinders van 5 tot 8 jaar; Selfleesverhale vir kinders van 8 tot 11 jaar. Al die inligting (April 2003)

'n Konferensie oor Suid-Afrikaanse Kinder- en Jeugliteratuur. Uitnodiging vir bywoning en oproep om referate vir die belangrike konferensie wat van 30 September tot 3 Okober 2003 by die Potchefstroomse Universiteit vir Christelike Hoër Onderwys aangebied word. Volledige inligting. (April 2003)

Volg 'n kursus in skryfkuns en kreatiewe denke aangebied deur dr Riana Scheepers, bekende en bekroonde skrywer in Afrikaans. Die klasse word aangebied in die historiese opstal op De Compagnie, Wamakersvallei, Wellington. Lees alles hieroor. (April 2003)

Die Katrine Harriestoekenning vir Kinderboekillustrasies herleef vanjaar na ses jaar. Die wenner is Jude Daly vir haar illustrasies in die boek, The Stone, gepubliseer deur die Britse uitgewers, Francis Lincoln. Volledige berig. (Maart 2003)

Neem deel aan die skryfwedstryd van die Bloemfonteinse Skrywersvereniging. 'n VOLLE R5 000 se prysgeld kan vanjaar gewen word in 'n opwindende, landwye skryfwedstryd spesiaal deur die Bloemfonteinse Skrywersvereniging gereël vir volwassenes en hoërskoolleerlinge wat nog nie voorheen gepubliseer het nie. Volledige inligting. (Maart 2003)

Het jy 'n storie oor diamante? Bly jy dalk in diamantwêreld? Hier is 'n interessante uitdaging: "A US magazine is looking for an African girl writer age 8-14 to write about the effect of the diamond trade upon her life." Volledige inligting (Maart 2003)

Die wenners van die ATKV-kinderboekpryse is so pas bekend gemaak. Dit is: Leon de Villiers en illustreerder Nico Meyer (6-7) vir Elsie soek 'n strooihoed; Antoinette Nightingale (8-9) vir Dinge wat krrraakkk maak; Riana Scheepers (10-12) vir Blinde sambok en Anne-Marie Conradie (13-15) vir Tippex dit uit. Vorige wenners. Riana Scheepers oor Die belangrikste letterkundige prys in Afrikaans. (Maart 2003)

Oproep om bydraes: kortverhale. Aktua Pers beplan om `n bundel Afrikaanse kortverhale uit te gee, wat vir die sekondêre skolemark (Graad 11 en 12`s) voorgeskryf gaan word. Meer inligting. (Feb 2003)

Oproep om bydraes vir jeugnovelle. Aktua Pers beplan om `n jeugnovelle in Afrikaans uit te gee. Gevestigde sowel as jonger skrywers is welkom om manuskripte voor te lê. Meer inligting (Feb 2003)

E-poslys vir boekmense. Die Sentrum van die Boek in Kaapstad het 'n nuwe e-groep begin: books@nlsa.ac.za. Die doel van dié groep is boekmense by mekaar uit te bring - lesers, skrywers, uitgewers, biblioteekmense, boekhandelaars, boekliefhebbers. Die poslys kan bv. gebruik word om konferensies, seminare, werkswinkels of boekbekendstelling te bemark. Dit is ook die plek om navrae te rig en antwoorde te verskaf. Deelname aan die e-groep is gratis. Om by die groep in te skakel, stuur 'n epos aan books@nlsa.ac.za en vra om aan te sluit (subscribe). Die kontakpersoon is Colleen Higgs.

Goeie nuus vir Tebogo! The Gauteng Institute for curriculum development gaan Tebogo Maphothoma se storie, Die Weeskind, (Lapastories) gebruik in 'n leerprogram vir Afrikaans as addisionele taal. Baie geluk Tebogo! Lees die storie.

Die finaliste vir 2002 se Sanlamwedstryd is so pas bekend gemaak. 'n Totaal van 109 inskrywings is ontvang. In die kategorie vir Afrikaanse jeuglektuur was daar 36 inskrywings. Die finaliste in die Afrikaanse afdeling is: Carina Diedericks-Hugo, Helena Hugo, Anlen Marais, Marita van der Vyver, Jan Vermeulen en George Weideman. Volledige berig.

A workshop on writing and illustrating childrens storybooks. From 1st to 12 July 2002, PRAESA will host a workshop on writing and illustrating childrens story books in the Arts Block at UCT. More information.

Die Anglo-Boereoorlog het in Mei 1902 amptelik tot ‘n einde gekom. Om hierdie geleentheid te herdenk organiseer Unisa se Eenheid vir Navorsing in Kinderliteratuur op 27-29 Mei 2002 ‘n konferensie in Pretoria oor die uitbeelding van Anglo-Boereoorlog in die letterkunde. Konferensie inligting.

Internasionale Kinderboekdag (ICBD) word op 2 April gevier. Die dag word reeds sedert 1967 rondom Hans Christian Andersen se geboortedag gedenk. Die doel is om só die liefde vir lees te bevorder en aandag op kinderboeke te vestig. Meer inligting hieroor is op IBBY se webtuiste beskikbaar.

Pieter Pieterse, die bekende skrywer en TV-persoonlikheid is op 17 Maart vermoor. Hy sal veral onthou word vir jeugverhale wat in die natuur afgespeel het, soos Ou Kanniedood kom huis toe, Die dag van die reuse en Smokkelaars in die nag. Huldeblyk.

Gryp jou pen vir Skrywers 2002. Dit is nou die tyd vir ongepubliseerde skrywers om lei en griffel te gryp en deel te neem aan die Bloemfonteinse Skrywersvereniging se jaarliks skryfwedstryd. Meer inligting.

Boeke is wonderlike geskenke. Heerlike ontdekkings wag in die volgende boekwinkels: Lees volledige storie.

Skrywers word uitgenooi om deel te neem aan die Sanlam-prys vir Jeuglektuur 2002. Lees verder.

Twee uitnodigings om jeugstories te skryf vir buitelandse publikasies: Skryf 'n Afrika-storie vir Amerika. Vind alles uit. Skryf 'n storie om Suid-Afrika te verteenwoordig. Lees meer.

Een-dag-storiemaakwinkel. Kom leer hoe om 'n storie te maak. Aangebied deur die bekroonde skrywer Martie Preller. Lees meer.

Kry 'n kreaploffing in jou kreadagtes! Kreatiwiteitswerkswinkel aangebied deur M1 en M2. Meer hieroor.

Le Carré filmpremière vir kinderboeke. Die opbrengs van die geleentheid gaan vir First words in print - 'n projek met die oogmerk om 'n leeskultuur by jong kinders te vestig. Meer inligting.

Skryfkompetisie oor die Anglo-Boereoorlog vir graad 7-12-leeringe met gróót pryse om te wen. Vind meer uit.

Internasionale konferensie oor kinder- en jeugboeke. Die 15de konferensie van die IRSCL (International Research Society for Children's Literature) vind van 20-24 Augustus by Klein Kariba plaas. Meer hieroor.

'n Goeie prenteboek is die eerste kunsgalery waardeur 'n kind stap. Piet Grobler, die skepper van Storiewerf se woordvrate, is vanjaar die amptelike feeskunstenaar by die KKNK. Lees meer.