Werfjoernaal
 
2003-07-07

werfjoernaal
argief



Harry Potter wikkel in Afrikaans

Vertaalwerk aan die 5de titel in Human & Rousseau se reeks Afrikaanse Harry Potters vorder flink.

Bekroonde skrywer Janie Oosthuysen, wat weer die vertaalwerk doen, het vanoggend reeds 13 hoofstukke van Harry Potter and the Order of Phoenix uitmuntend vertaal - en daar is geen toorkunsies betrokke nie!

Janie het vroeg Saterdagoggend, 21 Junie, saam met nagenoeg 700 ander Kaapse Harry-aanhangers haar eksemplaar van die nuutste boek gaan inwag en kort daarna aan die werk gespring.

Harry Potter en die Orde van die Feniks sal teen die einde van Oktober 2003 beskikbaar wees, net betyds vir die Kerskous. Dit word weer deur Human & Rousseau uitgegee.

Kompetisies met groot pryse en 'n allemintige bekendstellingspartytjie IEWERS in Suid-Afrika sal die koms van die Afrikaanse vertaling voorafgaan. Hou die uilepos dop!

Vir enige medianavrae kontak asseblief vir Michelle Cooper by NB-Uitgewers: Tel. (021) 406 3414 of mcooper@nb.co.za.

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2005