Werfjoernaal
 
2004-10-01

werfjoernaal
argief



Nasionale kortverhaalkompetisie bied groot moontlikhede

Goeie nuus vir alle kortverhaalskrywers is dat die Woordfees vanjaar vir die eerste keer - in samewerking met Protea Boekhuis en LitNet 'n nasionale Afrikaanse kortverhaalkompetisie aanbied.

Dit is die eerste groot nasionale kompetisie wat ten doel het om die Afrikaanse kortverhaalgenre te bevorder en sal jaarliks aangebied word. Aangesien dit belangrik is om aan almal die geleentheid te gee, is sowel gevestigde- as aspirant kortverhaalskrywers welkom om deel te neem.

Die pryse, geborg deur Protea Boekhuis en die LOTTO, is nie te versmaai nie! Die eerste prys is R10 000, tweede prys R7000 en die debuutprys R5000. Die debuutprys is uitsluitlik vir skrywers wat nog nie gedebuteer het nie.

Maar dit is nie net kontant wat te wen is nie. Afhangende van die kwaliteit van die inskrywings, beoog Protea Boekhuis om 'n bundel met van die beste werke uit te gee. Die idee is dat daar moontlik elke jaar só 'n bundel saamgestel word, natuurlik onderhewig aan die aard van die inskrywings.

Die sluitingsdatum vir die kompetisie is Dinsdag 30 November 2004 en geen laat inskrywings sal aanvaar word nie. Inskrywingsgelde is R20 per kortverhaal en daar is geen beperking op die aantal inskrywings per skrywer nie. Die kortverhale wat ingeskryf word, kan oor enige tema handel, maar mag nog nie voorheen gepubliseer wees nie en moenie 2500 woorde oorskry nie. Verder sal alle inskrywings anoniem beoordeel word.

Die inskrywingsvorm is beskibaar by die Woordfeeskantoor. Skakel 021 8083513, stuur 'n e-pos na fees@sun.ac.za of laai dit af op www.sun.ac.za/woordfees

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2005