Die pas heruitgereikte Rympieman bestaan uit twee Cd's plus 'n boekie met gedrukte teks. Rympieman bevat byna 200 alombekende Afrikaanse rympies en liedjies. Die speelduur van die twee Cd's is meer as twee ure. Sommige van die items is oorgeneem uit StorieMuis.

Kenmerkend aan suksesvolle kleuterrympies, is die inhoud van Rympieman ryk aan die toon, styl, speelsheid en spel met taal wat spreek tot die verwysingswêreld van die jong kind.

Die inhoud word met 'n ligte aanslag aangebied wat aanklank vind by die kind.
Rympieman stel die kind van kleins af bloot aan die wêreld van klank, ritme, rym, klanknabootsing en herhaling wat later kan lei tot waardering vir poësie.
Van die bekendstes tot die minder bekende, uit die Patriot-tyd tot hede -die klem is op die Afrikaanse kultuurskat van toeka tot nou.

Rympieman is 'n versameling van geliefdkoose rympies en gedigte wat vir die kind die deur oopmaak na 'n reis van rym en vers; 'n weerspieëling van die mens se gemoedstoestand in versvorm.

Rympieman is 'n moét vir die kulturele ontwikkeling van die Suid-Afrikaanse kind - nie net Afrikaanse moedertaal sprekers nie.

Rympieman, die gedrukte boekie en 2 Cd's, word verpak in 'n aantreklike karton houer. Die prys is R139.95 (Posgeld en verpakking uitgesluit)

Rympieman is te koop by Die Luisterbiblioteek in Pretoria
Kontakpersoon: Elsa Smit
Tel (kantoorure) (012) 348 2480
e-pos: storieman@mweb.co.za

ISBN: 1-920034-25-0