Werfjoernaal
 
2006-10

werfjoernaal
argief



'n Unieke geleentheid - Wilde Willemientjie

Die geleentheid waarvoor almal gevra het: ‘n Dag van teater, boeke en wyn op De Compagnie Wynlandgoed.

Die avonture van wilde Willemientjie KANNA-pryswenner vir die Beste Kinderproduksie (KKNK 2006) word opgevoer op die plaas waar dié wilde meisiekind ontstaan het 11 November 2006, 10:00

Die avonture van Wilde Willemientjie is 'n musikale kinderversdrama uit die hoogste rakke. Dit spog met ’n sterbelaaide rolverdeling van jong, bekroonde akteurs. Dit is ’n energieke, vrolike, interaktiewe opvoering gemik op kinders van alle ouderdomme.

(Kinders ouer as 60 word wel aangeraai om voor die vertoning deeglik uit te rus, aangesien die akteurs geen verantwoordelikheid aanvaar vir algehele uitputting nie!)

Regie en musiekregie word gedoen deur Niël Rademan.

Die rolverdeling is Lindi Smit as ouma, mamma, Cassandra en die bose jagter, Deon van Zyl as oupa, pappa, die skelm skurk en die gemsbok, en Burnese Cronjé as die nimlike en onweerstaanbare Willemientjie. Die stelontwerp is deur Jacolene de Haan.

U word hartlik uitgenooi om deel te wees van hierdie unieke geleentheid. Kom geniet die oggend saam met ons en ontspan in De Compagnie se skaduryke tuin. Gaste sal ook die geleentheid kry om De Compagnie se wyn en brandewyn te proe, boeke te koop en die akteurs te ontmoet.

Toegangsfooi:

Volwassenes: R20,00

Kinders: R10,00

RSVP voor Woensdag 8 November
Riana Scheepers 082 8911 025

rianas@mweb.co.za 021 864 1241

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2006