Die ATKV-Skryfskool bied vanjaar die gewilde Herfsskool vir skrywers van 26 - 30 Maart op Nooitgedacht naby Potchefstroom aan.

Bekende skrywers en kundiges tree as aanbieders op: Jan Swanepoel, Coenie de Villiers, Franci Greyling, PG du Plessis, Heilna du Plooy, Thalyta Swanepoel, Hans du Plessis, Gerhard van Huyssteen, Leon de Villiers, Anzil Kulsen, Dana Snyman, Marlise Leyden, Christine Barkhuizen-Le Roux en Deon Meyer. Die Herfsskool word in samewerking met Lapa-uitgewers aangebied en kursusgangers kry ook geleentheid om met die uitgewer te gesels.

Enige mens wat sy of haar eie skryfwerk wil verbeter, is welkom om vir die 5 dae die Herfsskool by te woon. Herfsskoolgangers ontmoet bekende skrywers, kry direkte terugvoer op hulle eie skryfpogings, woon werkswinkels by en gesels met voornemende skrywers oor skryf!

Daar is vier bene in die kursus waaruit u kan kies, nl. prosa, poësie, kinderliteratuur, en rubrieke.

Die koste vir vanjaar se Herfsskool is R1 800 per persoon wat selfsorg verblyf vir 4 nagte insluit, alle etes behalwe ontbyt ingesluit.

Die ATKV-Skryfskool bied vanjaar ook verskeie naweek- en dagkursusse regoor die land aan. In September bied die Skryfskool ook 'n driedaagse Lenteskool aan.

Vir verdere besonderhede skryf of e-pos of skakel Kobie van Aswegen by:

ATKV-Skryfskool
Privaatsak X6001
POTCHEFSTROOM
2520

Tel: (018) 299-1783
Faks: (018) 299-1784
E-pos: Kobie.VanAswegen@nwu.ac.za