Werfjoernaal
 
2008-02

werfjoernaal
argief



Hoezit! - die nuwe kindertydskrif

In Maart 2008 stel die ATKV 'n opwindende nuwe kindertydskrif bekend. Hoezit! is gerig op 9 - 12-jarige Afrikaanssprekende kinders met 'n onblusbare lus vir die lewe.

Met Hoezit! poog die ATKV om kinders nie net op te voed en hul kennis te verbreed nie, maar om hulle terselfdertyd ook te vermaak. Daar is vyf prettige afdelings in Hoezit!:

  1. Vermaak - hier kan hulle lees oor die nuutste flieks, speletjies, boeke en ook alles wat die bekendes aanvang.
  2. Wêreld - hier kry die lesers hope interessante inligting oor ons wonderlike wêreld.
  3. Alles oor jou - emosionele welstand is geweldig belangrik en hierdie afdeling hanteer temas soos wanneer jou ouers skei of wanneer vriende vyande word.
  4. Weet - dié afdeling is op die skoolsillabus gefokus. Die doel is om kinders op 'n prettige manier te help met dié vakke wat vir hulle moeilik is.
  5. Pret - hierdie afdeling is propvol doen-dit-self-dinge, sudoku, woordsoeke en vele meer.

Twee uit die vyf afdelings is uniek in die sin dat dit Hoezit! van sy kompetisie onderskei. In Weet en Alles oor jou kry hulle raad en taakhulp wat hulle in geen ander tydskrif sal vind nie. Boonop poog die Hoezit!-redaksie om alle inligting aan te bied met 'n oorwegend Suid-Afrikaanse aanslag.

Hoezit! gesels met kinders op hul vlak. Met Hoezit! wil ons die jonger generasie ook laat glo dat Afrikaans nog aan die brand is en vir altyd 'n moderne taal sal wees.

Hoezit! is 'n maandelikse publikasie wat tans op intekenaarsbasis versprei word. Elke maand het 'n ander tema en temas waarna uitgesien kan word is tegnologie, geskiedenis, kuns en kultuur, musiek en nog vele meer! Een uitgawe kos R15,95.

Vir meer inligting, skakel Renette Espach by 011 919 9063 of stuur 'n e-pos na hoezit@atkv.org.za. Besoek gerus ook die webwerf by www.atkv.org.za.

 

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2008