Werfjoernaal
 
2008-08-01

werfjoernaal
argief



Koop-'n-Afrikaanse-boek-dag

Soos die afgelope vier jaar al, is dit op 14 Augustus 2008 weer "Koop-'n-Afrikaanse-boek-dag" wat deur die Vriende van Afrikaans gekoördineer word. Dit val saam met die jaarlikse Afrikaansweek (11 - 17 Augustus) wat landwyd deur Afrikaanse instansies en skole gevier word.

Almal wat belang het by Afrikaans, word gevra om op 14 Augustus een Afrikaanse boek te koop, om te hou of om weg te gee. Dit is 'n bewusmakingsveldtog wat ten doel het om die aandag te vestig op die fantastiese Afrikaanse boeke wat op die mark is, maar ook om 'n leeskultuur aan te moedig.

Deelnemende boekwinkels gee op 14 Augustus (of die hele week) afslag op hulle Afrikaanse boeke, en blykbaar gaan dit heel goed met verkope. Wordsworth, PNA, Protea Boekhuis, Die Boekehuis (Johannesburg), Boek Hoekie (Paarl), Fascination Books en Bukhuki (Somerset-Wes en Pretoria), Die Klein Karoo Boekwinkel (Montagu), PNA, ens. neem landwyd deel aan hierdie inisiatief.

Baie dankie dat julle ons ondersteun met hierdie bewusmakingsveldtog. Vertel asseblief vir almal van hierdie poging waarby 'n mens net kan baat: Afrikaanse boeke word teen 'n afslag verkoop en jy koop of kry of gee'n boek persent!

Amanda de Stadler
Uitvoerende Beampte,
Vriende van Afrikaans,
Stellenbosch
021 808 3744

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2008