Piet Grobler het die bronsmedalje verower in die prestige Biennial of Illustrations Bratislava (BIB).

Hierdie internasionele kompetisie waar oorspronklike kinder- en jeugboek illustrasies bekroon word, is vanjaar jaar vir die negentiende keer gehou in Bratislava, Slowakye.

Die organiseerders van die kompetisie is die Slowaakse Republiek se Ministerie van Kultuur asook die Slowaakse Kommissie van UNESCO en Bibiana, die International House of Art for Children.

Die kompetisie is, buiten die Andersen toekenning, die grootste internasionale prenteboekillustrasie-kompetisie en het in 2001 altesaam 269 inskrywings van oor die hele wêreld gelok.

Elke kunstenaar stuur tien illustrasies en dit was vir vyf van sy illustrasies uit Die spree met foete en vyf uit Net een slukkie, Padda dat daar 'n bronsmedalje en $1000 aan Piet Grobler toegeken is. Die Grand Prix het hierdie jaar aan 'n kunstenaar uit Japan gegaan.