Werfjoernaal
 
2009-09

werfjoernaal
argief



Uitnodiging: skryf vir LAPA jeugdigbundel

LAPA Uitgewers beplan ’n opwindende digbundel met verse wat op lesers tussen 13 en 15 jaar gemik is. Ons wil graag bydraes oor ’n breë spektrum ontvang – van “ernstiger” temas tot humor; van vormvaste digkuns tot vrye verse. (Of wat van funky SMS-gedigte of MXit-gedigte of e-posgedigte?!)

Die bundel is op die algemene handelsmark gemik, maar sal ook in die opvoedkundige mark bemark word.

Die belangrikste oorweging is dat die verse teikenmarkgerig moet wees – ons soek dus nie verse óór hierdie ouderdomsgroep nie, ons is op soek na werk wat vanuit die perspektief van jongmense in hierdie ouderdomsgroep geskryf is, of wat dinge aanspreek wat tot hedendaagse jongmense van hierdie ouderdom spreek.

Om jou aan die dink te sit ...

Jongmense in die teikengroep is in graad 7, 8 en 9 (dit wil sê die ou standerd 5, 6, en 7). Daar is geen voorskrifte ten opsigte van temas nie, maar ’n paar moontlikhede wat as wegspringplek kan dien ...

  • Verhoudings (van liefdesverhoudings tot verhoudings met ouers/ broers/ susters)
  • Skool
  • Vriendskap
  • Identiteit
  • Sport
  • Musiek

Sluitingsdatum vir voorleggings: 12 Oktober 2009

Voorleggings: Bydraes kan gestuur word na:

LAPA Uitgewers
Aandag: Jaco Jacobs
Posbus 123
PRETORIA
0001

Ek sal as samesteller optree, maar die finale beslissing oor opname in die bundel (en oor publikasie daarvan) sal by die uitgewer, Miemie du Plessis van LAPA Uitgewers, berus.

Ek sien daarna uit om ’n klomp opwindende bydraes te ontvang!

Jaco Jacobs

Samesteller

 

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.

Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2009