LAPA nooi skrywers van jeugboeke om deel te neem aan die LAPA 2010 Afrikaanse Jeugromankompetisie.

Daar is geen voorgeskrewe tema nie, maar dit moet Afrikaanse tekste van 25 000 tot 45 000 woorde wees waarmee tieners kan identifiseer. Inskrywings moet alleenstaande enkeltitiel-jeugromans wees en nie deel vorm van ’n beoogde reeks nie. Die teikenouderdom is 13 tot 18 jaar.

Daar is drie pryse op die spel:

• Eerste prys : R25,000
• Tweede prys : R15,000
• Derde prys : R10,000
  
  
  Bepalings en voorwaardes:

1. Die sluitingsdatum vir inskrywings is 30 September 2010.
2. Verhale moet tussen 25 000 en 45 000 woorde lank wees en geskik wees vir lesers tussen die ouderdom van 13 en 18 jaar.
3. Alle inskrywings moet in Afrikaans wees.
4. Die eerste prys is R25,000, tweede prys is R15,000 en derde prys is R10,000.
5. Manuskripte moet op A4-papier, in dubbelspasiëring getik wees en net op een kant van die vel gedruk wees.
6. Alle manuskripte word anoniem beoordeel. Die skrywer se naam moet dus slegs op die titelblad van die manuskrip verskyn en nêrens anders nie. Geen skuilname word toegelaat nie.
7. Alle manuskripte moet vergesel wees van die amptelike inskrywingsvorm. Daarsonder sal ’n inskrywing nie aanvaar word nie. Om die inskrywingsvorm te ontvang, kontak LAPA Uitgewers se bemarkingsafdeling by 012 401 0700 of lapa@lapa.co.za.
8. Geen elektroniese inskrywings word aanvaar nie. Geen manuskripte sal aan die skrywer teruggestuur word nie.
9. LAPA Uitgewers sal telefonies of per e-pos ontvangs erken vir alle inskrywings. Die uitgewer neem geen verantwoordelikheid vir enige manuskripte wat verlore raak nie.
10. LAPA Uitgewers het eerste reg op publikasie van alle inskrywings wat voorgelê word vir hierdie kompetisie.
11. Totdat LAPA Uitgewers die skrywer skriftelik in kennis stel dat die manuskrip nie gepubliseer gaan word nie, mag dit nêrens anders voorgelê word vir oorweging nie. LAPA Uitgewers onderneem om binne 6 maande alle skrywers, wat manuskripte ingestuur het vir oorweging vir die kompetisie, in kennis te stel oor moontlike publikasie van die betrokke manuskrip.
12. LAPA Uitgewers behou die reg voor om geen pryse toe te ken of inskrywings te publiseer nie.
13. Die beoordelars se beslissing is finaal en geen korrepsondensie sal daaroor gevoer word nie.
14. LAPA Uitgewers en die ATKV word gevrywaar teen enige eise of voorvalle wat uit die kompetisie kan spruit.
15. Wenners moet bereid wees om onderhoude en fotosessies aan die media en LAPA Uitgewers se bemarkingspublikasies toe te staan.
    
    
16. Rig navrae aan:
    
    Miemie du Plessis
    Posbus 123, Pretoria, 0001
    Telefoon : 012 401 0700
    Faks : 012 401 0734
    E-pos : miemied@lapa.co.za

18 September 2009