Werfjoernaal
 
2001-08-01

werfjoernaal
argief



Skryfkompetisie oor Anglo-Boereoorlog

Die dokumentêre program Verskroeide aarde wat op kykNET en M-Net uitgesaai is, gaan gepaard met 'n skryfkompetisie vir leerlinge.

Al wat die deelnamers moet doen, is om hulle te verbeel hulle was in die ABO en dan hul ervaring in nie meer as 1 000 woorde nie neer te skryf.

Die beste bydrae deur 'n senior leerling (graad 10 tot 12) sal met R5 000 beloon word. Die drie naaswenners in dié groep kry elk R1 500 en die volgende ses kwalifiseerders elk R500.

Die beste bydrae deur 'n junior leerling (graad 7 tot 9) word met R3 000 beloon en die drie naaswenners in dié groep kry elk R1 000, terwyl die sestien volgende kwalifiseerders elk R250 kry.

Die 10 beste bydraes deur seniors en 20 beste bydraes deur juniors sal gepubliseer word deur Content Solutions Online in die vorm van 'n senior en juniorbundel.

Die wenners se skole kry 'n bedrag gelykstaande aan dit wat hul leerlinge gewen het.

Alle bydraes sal op die internet deur M-Web se Leerhulp-aanlyn gepubliseer word. Bydraes kan in Afrikaans of Engels of enige ander amptelike landstaal gelewer word.

Die sluitingsdatum vir die kompetisie is 15 Augustus.

Volledige besonderhede oor die kompetisie by http://www.ScorchedEarth.co.za

 

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2005