Werfjoernaal
 
2001-11-16

werfjoernaal
argief



Kuier- en koopplekke vir kinder- en jeugboeke

Waar kan mens kinderboeke koop en nog sommer lekker kuier ook?

Wonderlike nuus vir kapenaars is dat 'n nuwe Exclusive Books tak in die Waterfront oopgemaak het. Hulle het, in die woorde van 'n kinderboekliefhebber, "werklik een van die wonderlikste kinderboek afdelings wat ek nog in 'n boekwinkel hier onder in die Kaap gesien het".

Nog twee bolandse boekwinkels wat die moeite werd is om by in te loer is Fables in die Paarl en Bookmark in Hermanus. Die eienaars van hierdie boekwinkels is baie opgewonde oor kinder- en jeugboeke en koop gereeld Afrikaanse voorraad aan.

Pretorianers wat hou van heerlike ontdekkings moet beslis Die Boekhuys in Deystraat besoek. Die Boekhuys is die amptelike boekwinkel van die Kankervereniging en is 'n paradys vir boekliefhebbers. Dis net die plek om 'n gunsteling raak te loop - van Patrys-hulle tot Keurboslaanboeke - en teen tussen R3 en R6 per boek is dit nie te versmaai nie. Die Boekhuys is Dinsdae en Donderdae van 14:00 tot 18:00 oop, en 'n boekverkoping word elke eerste naweek van die maand gehou. Kontak Roza Pretorius (012) 460-8676 vir meer inligting.

( Laat weet gerus van boekwinkels wat moeite doen met Afrikaanse kinder- en jeugboeke.)

 

 

 

 


Voordeur en inhoud | Jong woordvrate | Ouer woordvrate | epos

STORIEWERF word aangebied saam met woordvrate en storiemakers
van alle soorte en groottes.
Gebou en onderhou deur Franci Greyling.

Skryfkuns Skool vir Tale Noordwes-Universiteit (PUK)

(C) Franci Greyling 2000-2005