Hou jy van skryf? Wil jy dit graag as 'n vak op universiteit neem? Het jy geweet dat Skryfkuns by die Noordwes-Universiteit (voorheen PU vir CHO) aangebied word?

Binne die Skool vir Tale in die Fakulteit Lettere en Wysbegeerte bestaan die Vakgroep (Departement) Skryfkuns wat jou daartoe in staat stel om Skryfkuns as een van jou vakke vir enige B.A. of vir `n B.A. in Kommunikasiestudies te neem.

Skryfkuns bestudeer die teorie en die praktyk van kreatiewe skryf. Skryfkuns word as voor- en nagraadse vak deur die Vakgroep Skryfkuns (waarvan die Skryfskool deel is) aangebied, in die Skool vir Tale. Op voorgraadse vlak is dit `n volwaardige eerstejaar en tweedejaarkursus wat volle krediet verdien binne die samestelling van enige B.A.-graad.

Skryfkuns kan ook op M.- en D.vlak aangebied word, en hierdie kursusse sluit `n verhandeling of tesis in. In al die gevalle van Skryfkuns vorm die skryfkunspraktyk (die student se eie skryfwerk) `n integrerende deel van die kursus.

'n Kennis van die skryfkuns is 'n uitstekende instrument vir joernaliste, taalpraktisyns, bibliotekarisse en onderwysers. Dit het 'n breë gebruikswaarde, omdat daar in die kursus ook aandag aan die stimulering van kreatiwiteit geskenk word.

Skryfkuns word aangebied deur Prof. Hans du Plessis en Dr. Franci Greyling.

Vir meer inligting kontak:

Dr. Franci Greyling
sktsfg@puknet.puk.ac.za

Tel: 27 18 299 1781
Faks: 27 18 299 1562

Vakgroep Skryfkuns
Skool vir Tale
PU vir CHO
Potchefstroom
2520