Neitjie Bytjie, ek is Juanetjie
'n klein ou dogtertjie wat
lees en rym,
speel en lag

vir pappa is ek baie lief
vir my mamma net soveel
my sussie is een
met wie ek altyd speel

Ek hou van almal in my gesin
self Bit-bit my ou hond
sy is die gaafste troeteldier
en hardloop altyd rond en bont

dit is wie ek is,
en dit is my gesin
hierdie woorde wil ek sê
en selfs 'n liedjie sing
ho

Juane Beukes de Kock (7) 2010

'n Ouma...

'n Ouma is daar
vir koekies en tee
om my baie lief te hê
en geskenkies te gee

Met haar grys hare
en outydse skoene
en rokke met kleure
van al vier seisoene

So sal ek haar onthou
tot sy nie meer daar is
en dan sal ons besef
hoeveel ons haar mis!

Maar vir nou...
Gelukkige verjaarsdag, Ouma!

Almè Sharp (15) 2009

Ek onthou 'n Kersfees in Bellville
Ek onthou oupa se hinkepink
Klokke wat koekoek-koekoek
Playstations
En poppe onder die sitkamertafel

Ek onthou my lewe was versier
Met groen en goud en rooi
Met presente
Met familie
Toe ons nog 'n familie was

Ek onthou 'n Kersfees in Bellville -
Dit was 'n feetjieland

Dalene de Vente (14) 2009

Vetkol

Vlugte vingers,
rasende kinners
die verwagte lewensjaar
word al hoe minder

'n Gryse haar
word blond gedye
Kronkels & plonkels
word uitgestof
En siedaar!
vinnig wording
na jonker pronker

Maar kyk onder die
eyeshadow,
base,
poeier, lipstick
en mascara-
dààr lê 'n
onafwasbare
lagie liefde.

'n Moeder se liefde,
is 'n vetkol op jou klere -
dit hòù.

Marlise Jordaan (16) 2008

Vergelykings
(vir Tanya en Liza)

Poësie is my beste vriendin,
die see is my beste vriend,
die karoo is my familie,
en 'n storie is my medisyne...

maar jy,
my sussie,
jy
is als.

Dalene de Vente (14) 2008

Jy is altyd daar vir my

as ek huil, as ek lag,
in die oggend, in die nag
Jy is daar vir my

as ek kerm en kla,
oor goed wat my pla
Jy luister na my

ek hoor die raad wat jy gee,
al lyk dit of ek dit net wegvee
Jy praat met my

ek sal altyd getrou
lief bly vir jou
Mamma, jy is daar vir my

Emma Stanvliet (16) 2008

Pa ek ook....

"Pa" is net 'n simpel woordjie
Die betekenis sê tog soveel meer
Nie almal kan met reg waardeer nie,
Wat ek met my hart begeer.

Ek soek jou arm om my skouers
Ek soek erkening in wat ons bind
Word jou hart nou skielik kouer?
"Pa, seblief, ek's ook jou kind!!"

Ek vra nie vir jou onverdeeld nie
Maar, verstaan tog, ek wil jou ook ken
en was ek tog net nie so trots nie
sou ek smeek om ook 'n deel te wen.

Laat my wens nie net 'n wens bly,
nie my droom verwaai deur wind
Kan ek net 'n regte kans kry...
"Pa, seblief, ek's ook jou kind!!"

Carlien Pretorius (18) 2008

Vader Kersfees

Liewe Vader Kersfees, skryf sy,
my hart se grootste wens
is dat my mamma en my pappa
weer na terug sal kom na my.

Ek is tog so alleen, kom dit,
hier in die orphanage
die moeder hier is naar met my
en laat ons in die tuin spit.

Ek kan nie dit meer hou nie, meneer,
ek sukkel tog so vreeslik.
Dit is nie vir my lekker nie
my kop is konstant seer.

Sy gee nie vir ons medisyne nie,
Kersfeesvader asseblief,
ek hou nie van die huisie nie
ek en Marie, Anthon en Annie.

Kom haal ons Kersfeesvader, ek vra mooi
ek wil tog graag ook weet
hoe voel dit om 'n mamma te besit
en myself in rokkies op te tooi.

Want hier dra ons net grys klere, skryf sy,
en almal werk so hard.
Ons gaan nie skool nie, Kersfeesvader,
ons lewe heeltyd diep in smart.

Ek vra tog mooi, o Kersvader, ek belowe,
kom haal net vir my en my maatjies
ons wil net wegkom hier
want als wat lekker is, is verbode.

Kersvader, al wat ek wil hê vir kersfees,
is 'n mamma en 'n pappa
want almal van ons in die huis
smag om te kan skryf en lees.

Maak ons almal tog te bly
ek vra so mooi, Kersvader,
laat ons almal ook 'n kersfees kry
vol lag, gesels en lekkerkry.

Mika Stanvliet (16)

Kom uit agter die yskas, Marie!
Die rotte is nie meer daar nie.
Hoe jy jou lyfie platgedruk kry
om agter die yskas in te kry
gaan my verstand te bowe.

Marie los die duiwe, lat hul eet!
Jy kan iets leer, kom eet jou beet!
Die vurk in die hand
die mes in die ander, O land!
Kind, wat gaan van jou word?

Moenie die tinfoelie kou nie kind!
Jou derms sal een vir een ontbind!
Kan jy dan niks reg doen nie?
Moet ons altyd sê "Nee" en "Los" en "Moenie"
Jy's die duiwel se kind dis wat!

Pak jou tassies en kry jou ry.
Dis te veel moeite om jou te laat aanbly!
My lyf is moeg en klaar
Jou nonsens maak my naar!
So vat jou goed en loop!

Marie! Waar is die stupid kind dan nou?
Kom bad die hond, en slag die makou!
O gorrelgriet, die kind is weg!
Ek mis haar nou, al was sy sleg!
O donkie, wat doen ons sonder haar?

O tog, my grys hare!
My koffie en daggablare!
Niks function sonder Marie nie
en nou's sy nie meer daar nie
want ek's 'n horrible voog.

"Daar's niks soos ware ouers nie."
MARIE!!! BLY STIL! OF EK WYS JOU WIE'S WIE!

Mika Stanvliet (15)

Tieners

'n Tiener,
is 'n snaakse dier
Hy kyk net tv,
vir plesier.

'n Spesie
op sy eie grond
Eet van die yskas,
tot die mond.

Op sy selfoon,
heeldag lank.
Al het die selfoon
nie 'n klank.

Partykeer lank,
partykeer nie.
Die grotes,
kan jou lekker knie.

Hope huiswerk
word gegee,
maar nes hul is
praat hul nog teë.

'n Tiener,
is 'n snaakse dier
hul laat my lag,
vir my plesier

Klinette Sutherland (12)

My Ma is so cool
haar hare op haar kop gepoel
sy droom van 'n extreme makeover,
Pa van 'n Range Rover.
Ek is besig om te rank
bly maer soos 'n plank.
Sussie dink skool kook
maar sy glo ook Oupa spook!
Ek is meer voete as mens
toets elke grens
lees stories oor alles
van konings tot malles...

Rikus van der Walt (13)

Ons is almal vasgekram in een huis,
daar's nie meer plek vir 'n muis.
Thomas die boetie, Ma die ma en Pa die pa.
Al wat ek vra
is 'n bietjie vrye tyd
'n bietjie "ekself" tyd.
Maar nee, hul beleid
gaan so:
Kom ons doen als in ons vermoë
alles wat ons denkbaar kan
om vir die meisie haar vryheid te verban.
Ek sit aand na aand,
maand na maand
by die huis en Scrabble speel
of kaarte deel.
Ek wil graag saam met my vriende uitgaan,
maar dan pik my ma 'n traan.
My pa sê "Ag nee, ons kuier dan so lekker",
My vriende sê ek vrek, en word vrekker.
Dis my familie se skuld.
hulle toets my geduld.

Este Verhave (14)

My ma se tuin

Toe ek klein was,
het my ma 'n tuintjie gehad.
Die groente was welig, plaat op plaat.
Ek het haar seker vreeslik gepla,
maar sy het dit in liefde verdra.

Toe ek 'n tiener was
en die wêreld wou plattrap,
het ek my oë gerol
en uit haar tuin gestap.
Toe sy my wou leer van oes en inlê,
wou ek niks daarmee te doen hê.

Nadia Zeeman (12)

My pa se das

My pa het 'n das,
dit gee hom klas.
Hy het las van daai das,
al gee dit hom klas!

Nadia Zeeman (12)

Geld wat stom is...
(vir ma en pa)

Ek word deur my gewete gepla
omdat ek gedurig vir geld moet vra
Pa en Ma is nou wel nie ryk,
maar gee nogtans sonder om te verwyt.

By die huis gaan dit nie altyd goed,
maar nie eens dit sal u verhoed
om sommer net ja te sê
wanneer ek geld wil hê.

Moet asseblief nie huiwer om te sê, "Nee,
ons het nie geld om vir jou te gee."
Ek belowe ek sal verstaan
selfs al het ek nie meer 'n sent op my naam.

Tot in matriek het u vir my gesorg
en nou op varsity staan u steeds vir my borg.
Nou moet ek tog net baie hard leer
sodat ek vir 'n beurs kan kwalifiseer.

Eendag wanneer ek sukses behaal
gaan ek julle met rente terugbetaal.

Leana Diedericks (18)

Familielede

Ek sit in my kamer
met 'n frons tussen my oë
Die kussing in my hande
ek is tog so bewoë.

My ma sê my kamer is 'n gemors
My pa sê ek mag nie my hare kleur nie
My suter sê ek praat soos 'n American
en ek voel beslis nie free.

Ek sukkel met 'n headache
en 'n pyn in my back
my wange vat vlam
ek voel ek kan vrek.

Dis die sware lewe, ja
en dit is wat gebeur as
ons met irriterende familielede
opgeskeep sit.

Mika Stanvliet (14)

Eendag toe ek nog so lekker slaap
spring my boetie op my "die aap"!!
Wel dis wat ek hom noem
oor al die goed wat hy doen.
Hy is so ongeskik
net soos 'n ou dom blik
En weet jy wat
hy is sopnat.
Want hy het in die swembad gespring
met sy klere aan
want hy is vrekbang vir die maan.
"LOS my nou uit jou AAP"
"BUUUUUUUUUUURP!!!!!!"

Jeanette Gentle (12)

My Oupa Jan
Is 'n baie gawe man
Hy gee vir my geld en smarties
En daar is die lekkerste kos by sy parties
En van oorsee af sal hy die mooiste goed bring
My Oupa Jan is 'n dierbare ding.

Este Verhave (13)