Magdalena Katriena van der Haar
se velletjie lyk tog te naar.
Sy smeer 'n roompie in
en 'down' 'n 'tot' gin
toe brand Katrienatjie se velletjie gaar.

'n Yslike Frieskoei van Kos
het bevriend geraak met 'n Renos
Hy was 'n bul van 'n dier
vol pret en plesier
net jammer sy stertjie was los.

'n Meisie wat woon in De Aar
Moet voeding kry want sy's so maer.
Sy word ingespuit,
En spring deur die ruit,
En val haar te pletter net daar!

'n Dame woon in Parys
Se borrelbad borrel en bruis.
Sy gee nie veel om
Wie ook binne kom
En smul aan haar oesters op ys.

'n Dame wat woon in Parys
Se huis is op baie dun ys.
Sy spring oor die hek,
En breek toe haar nek
En nou lê sy dood by die huis.

'n Meisie wat woon in De Aar
Die eet glo net een keer per jaar.
Haar yskas is muf,
Die kos word gou gif,
En as sy eet word sy gou naar.

'n Outjie genaamd Harry P.
Kan sy juffrou só hoofbrekings gee.
Want in plaas van die vlinders,
Toor hy die kinders.
En hy’s maar nog in graad twee!

'n Sekere Pieter Viljee
Was erg oor sy meisie verleë.
Eers wil haar haar soen,
Dan ánder dinge doen...
Maar sy't hom 'n oorveeg gegee!

'n Meisie van Suikerbosrand
Sy was teen alles gekant.
Sy't blare gerook
En glo erg gestook,
En nou't sy haar huis afgebrand!

'n Ouma wat woon in die Kaap
Sy loop altoos in haar slaap.
Sy ruil toe haar tanne,
Met dié van die manne.
En nou smile sy nes 'n aap!

'n Meisie van Suikerbosrand
Het glo 'n yslike hand
Wat sy daarin hou
Weet geen enkele ou
Maar dit lyk kompleet soos kontant.

'n Meisie van Suikerbosrand
Was héél teen romanse gekant.
Maar toe sien sy vir Koos,
Wat haar bloedrooi laat bloos.
En nou wil sy smeek om sy hand.

'n Meisie van Suikerbosrand
Gaan loop met haar jean op die strand.
Sy't gespring in die see:
Glo gegil en geskree
Maar nou is sy weg van die land.

'n Meisie van Suikerbosrand
Was buitengewoon arrogant.
Het arm gestoei
Selfs met 'n koei
Maar val toe en breek haar tand.

'n Meisie van Suikerbosrand
Was altyd aan't verkeerde kant.
Haar volksie is plat
Sy voel skoon sat -
Al wat sy oor het is haar band.

'n Meisie van Suikerbosrand
Oppad na 'n dans op die sand:
Sy wikkel en swaai
En maak nog 'n draai -
Toe val Suikerbos op haar kant.