Raaisel

Die draaie
ver paaie
boekblaaie
die verdraaide ek
maak my gek,
want alles bly bedek.

Dalene de Vente (12)

Jy is my dag my nag my lag want jy bring vreugde in my hart.

Dorise Klopper (11)

My huis is leeg en hol
sonder my hondjie, wat jag en jol
geen meer blaf of byt
ek is nou verewig ou brakkie kwyt.

Este Verhave (14)

Ek huil
ek lag
en spring in my jas
want
die koue daar buite
laat sit my
tande vas!

Angenita van den Berg (12)

Sterre

Sterre is mooi, hulle is rooi.
Sterre skyn elke aand in die maand.
Ons slaap as die sterre gaap
en word ons wakker, dan skyn hulle swakker.

Anke van der Merwe (8)

Jy is jy
Jy maak my bly
Jy verdien om geluk te kry
Want jy is altyd net jy

Este Verhave (14)

Steke

dit las wonde
aanmekaar vas
dit help heel maak
al los dit letsels

Marietha Brits (16)

metamorfose

vals note
klanke wat alles wegskrik
verdwyn
in die nag
verander in
iets nuuts
verander in
soet ronde klanke
klink soos reën
wat val
volmaakte note

Saskia Baard (14)

vreemdeling

ken ek jou
ek weet nie wie
jy is nie
tog
lyk jy bekend
vreemd

Saskia Baard (14)

Rus en vrede,
my gebede.
Van vlug,
weg... weg... weg...
van hierdie wil na rede.
My soektog na iets waardevols,
iets sinvols,
iets... iets... iets...
anders.

Marietha Brits (15)