Versfabriek - Tongknopers

Vlekkie vreet vinnig van verskillende veeragtige voëltjies voordat verskillende veeragtige voëltjies vinnig verdwyn.

Blignaut Viljoen (11)

Kyk hoe vinnig kan jy die tongknoper opsê.

Vleg jou eie tongknoper.
Probeer 'n tongknoper maak vir elke getal van een tot tien,
of tot twintig...

Hou 'n tongknoopkompetisie:
Noem 'n dier en kyk wie kan die lekkerste tongknoper uitdink.
Hoe's dié een oor 'n toktokkie:

Hoekom tok toktokkies tok-tok-tok teen honderd hoenderhokke?

Gebruik die posbus en om jou tongknoper aan Storiewerf te stuur ...
en wie weet...

Swart slange seil stil sodat stadige skilpad saggies sal slaap.

Cari Viljoen (6)

Wat weet wilde woelige Willemien van warm waatlemoene en wurms wat Willem Wabeke nie weet nie?

Blignaut Viljoen (10)

Leef Neef Nieuhout nog in die ware wilde weste?

Tante Tattie trou tien teen een teen die tiende

Jodan Alberts (10)

Sal Sannie en Sara ses en sestig sade Saterdag saai?

Sewe seemonsters swem elke Sondag in die see.

Simoné Roets (11)

Drie dronk dansende duiwels dreun deur donker drome.

Michelle Fouché (16)

Ses-en-twintig swerms swane swewe en swiep soos swierige swaels.

Melissa Nel (11)

Tien tannies trippel tien trappe op.

Marnelda de Jager (13)

Drie dronk drake drink drank dwarsdeur die dag.

Sewe swak slymerige slakke sleep stadig saam.

Magda Snyman

Sewe seeleeus slaap saam sonder snags te snork.

Jan-Martin Oelofse (15)

Nege nukkerige nagapies jaag nege jeukerige jakkalsies heelnag om die naboomboom.

Vier vreeslike vinnige vliegtuie val flenters voor veertig vaalverskrikte vlakhase.